تەحنولوگيا • 10 قىركۇيەك، 2020

17 جاستاعى ستۋدەنت بيە سۇتىنەن كوسمەتيكا جاسادى

71 رەت كورسەتىلدى

پاۆلودارلىق 17 جاستاعى ستۋدەنت بيە سۇتىنەن كوسمەتيكا شىعارۋدا، دەپ حابارلايدى Egemen.kz  pavlodarnews.kz سايتىنا سىلتەمە جاساپ.

دايانا مۋكينا – پاۆلودار وبلىسىنىڭ دارىندى بالالارعا ارنالعان كوپسالالى ليتسەي-ينتەرناتىن بىتىرگەن. ول قازىر Astana IT University وقۋ ورنىنىڭ ءبىرىنشى كۋرسىندا ءبىلىم الادى.

جاس كاسىپكەر كوفە سكرابى، بەتكە ارنالعان كلينسەر، بەتكە جانە دەنەگە ارنالعان گەل شىعارادى. ونىمدەرىنىڭ نەگىزى – تەك تابيعي جانە پايدالى زاتتار. كوسمەتيكا تەرىنىڭ بارلىق تۇرلەرىنە جارامدى جانە ونى ەرەسەكتەر دە، بالالار دا قولدانا الادى.

1

– بيە ءسۇتىنىڭ رh جانە ادام تەرىسىنىڭ رh وتە ۇقساس. بۇل تەرىنى قۇرعاق نەمەسە مايلى قىلمايدى جانە ىڭعايلى ورتا جاساۋعا مۇمكىندىك بەرەدى. سوندىقتان كوسمەتيكا بەتىندە جاڭا بورتپەلەر مەن پيللينگتىڭ پايدا بولۋىنا جول بەرمەيدى. ءونىم پراكتيكالىق گيپواللەرگەندى. قۇرامىندا يممۋنوگلوبۋلين جانە امين قىشقىلدارى بار. ساۋمالىدان باسقا، ءبىز ءارتۇرلى مايلاردى، ياعني كوكوس، كاريت، كاكاو قوسامىز. ولار قوسىمشا كۇتىم جاسايدى، ىلعالداندىرادى جانە تەرىنى نارلەيدى. ال بيە ءسۇتى قابىنۋ مەن قىشۋدى جەڭىلدەتەتىپ، قۇرعاق جانە سەزىمتال تەرىگە نازىك كۇتىم جاسايدى، – دەيدى دايانا مۋكينا.

جاس كاسىپكەردىڭ ايتۋىنشا، پاندەمياعا بايلانىستى سۋبليماتسيالانعان بيە سۇتىمەن قامتاماسىز ەتەتىن كومپانيا ۋاقىتشا جۇمىس ىستەمەيدى. سول سەبەپتى ساتىلىم ۋاقىتشا توقتاتىلدى. بىراق ول كوسمەتيكاعا قوساتىن سۋبليماتسيالانعان بيە ءسۇتى قايتادان شىققان كەزدە جۇمىستى قايتا جانداندىراتىنىن ايتادى.

1

– باعالار وتە قولجەتىمدى. مىسالى، سكراب 550 تەڭگە، بەتكە ارنالعان كلينسەر 500 تەڭگە، ال گەل 1200 تەڭگە تۇرادى. باستاپقىدا مەن كوسمەتيكانى بيۋدجەتتىك باعامەن جاساعىم كەلدى. بۇل يدەيام ىسكە استى. ويتكەنى قىمبات كوسمەتيكانى ساتىپ الۋعا كوبىنىڭ جاعدايى كەلە بەرمەيدى. گرانتتى جەڭىپ العاننان كەيىن كوپتەگەن تاپسىرىس تۇسە باستادى. بۇل سالادا باسەكەلەستەر بار. الايدا، سۋبليماتسيا قولدانىلاتىن كوسمەتيكانىڭ ءدال وسى تۇرىنە الەمدە انالوگى جوق تابيعي كوسمەتيكالىق ءونىم بولىپ تابىلادى، – دەيدى دايانا مۋكينا.

ايتا كەتەيىك، دايانا مۋكينا ءوز جوباسىن "Eco Startup" حالىقارالىق ەكولوگيالىق ستارتاپ-جوبالار بايقاۋىندا 2019 جىلى ۇسىندى. بايقاۋدىڭ جۇلدە قورى 1 500 000 تەڭگەنى قۇرادى. ول 750 مىڭ تەڭگەلىك گرانت يەگەرى اتاندى.

سوڭعى جاڭالىقتار

«شىڭىراۋ» شىڭعا شىقسىن

ونەر • بۇگىن، 00:18

تىڭ تاسىلدەردىڭ ءتيىمدى تۇسى كوپ

مەديتسينا • بۇگىن، 00:14

پاسپورت

رۋحانيات • كەشە

جەكە پەسا جازۋعا لايىق

رۋحانيات • كەشە

انا مەيىرىمى

قوعام • كەشە

دوللار ارزاندادى

قارجى • كەشە

ۇقساس جاڭالىقتار