قوعام • 09 قىركۇيەك، 2020

قارۋلى كۇشتەردە قىسقى مەرزىمگە دايىندىق ءجۇرىپ جاتىر

13 رەت كورسەتىلدى

قورعانىس مينيسترلىگىندە وتكەن اپتا سايىنعى اپپاراتتىق كەڭەس بارىسىندا حالىقارالىق ىنتىماقتاستىق پەن قازاقستاندىق كوماندانىڭ "تانك بياتلونى" سايىسىنا قاتىسۋى، سونداي-اق اسكەرلەردىڭ كۇندەلىكتى تىرشىلىك ارەكەتى سىندى ماسەلەلەرى قارالدى، دەپ حابارلايدى Egemen.kz.

قورعانىس ءمينيسترى گەنەرال-لەيتەنانت نۇرلان ەرمەكباەۆ تمد-عا قاتىسۋشى مەملەكەتتەر، شىۇ مەن ۇقشۇ مۇشەلەرى اسكەري ۆەدومستۆولارى باسشىلارىنىڭ، بىرلەسكەن وتىرىسىنىڭ قورىتىندىسىن باياندادى. وتىرىس بارىسىندا ارىپتەس ەلدەردىڭ ءوزارا ءىس-قيمىلى، حالىقارالىق قاۋىپسىزدىكتى نىعايتۋ جانە وڭىرلىك تۇراقتىلىقتى قولداۋ ماسەلەلەرى تالقىلاندى.

پاندەميامەن كۇرەسكە ەرەكشە كوڭىل ءبولىندى. اتاپ وتىلگەندەي، كوروناۆيرۋستىق ينفەكتسيانىڭ تارالۋ قاۋپى، وڭىرلىك ۇيىمداردان بىرلەسىپ ارەكەت ەتۋ ءۇشىن كەلىسىلگەن ءىس-قيمىلدار مەن ءتيىستى ۇيلەستىرۋدى تالاپ ەتەدى.

قورعانىس مينيسترلەرىنىڭ كەزدەسۋى حالىقارالىق ۇيىمداردىڭ جان-جاقتى ىنتىماقتاستىعى مەن سىندارلى ءوزارا ءىس-قيمىلىنا باعىتتالعان بىرقاتار ماڭىزدى شەشىمدەرگە قول قويۋمەن اياقتالدى. اتاپ ايتقاندا، قورعانىس ۆەدومستۆولارىنىڭ باسشىلارى ۇلى وتان سوعىسى مەن ەكىنشى دۇنيەجۇزىلىك سوعىستاعى جەڭىستىڭ 75 جىلدىعىنا ارنالعان بىرلەسكەن كومميۋنيكە مەن وتىرىسقا قاتىسۋشىلاردىڭ مالىمدەمەسىنە قول قويدى. سونداي-اق، تمد، ۇقشۇ جانە شىۇ مينيسترلەر كەڭەسىنىڭ 2021 جىلعا ارنالعان جۇمىس جوسپارلارى بەكىتىلدى.

ارميا حالىقارالىق ويىندارىنىڭ قورىتىندىلارى دا تالقىلاندى. قازاقستان العاش رەت ءبىر «تانك بياتلونى» سايىسىنا عانا قاتىستى. بىرىنشىلىك ءۇشىن الەمنىڭ 32 ەلىنەن ۇزدىك اسكەري ماماندار باق سىناستى. تانك بياتلونى جارىسىندا ءبىزدىڭ تانكىشىلەر 16 ەلدىڭ، سونىڭ ىشىندە رەسەي، بەلارۋس جانە قىتايدىڭ ۇزدىك تانك ەكيپاجدارىمەن قاتار ونەر كورسەتتى.

"تانك بياتلونىنىڭ" ناتيجەلەرىن تالداي وتىرىپ، مينيستر الداعى ۋاقىتتا كوماندانى دايىنداۋداعى قازىرگى تاجىريبەنى ەسكەرۋدى، جاۋىنگەرلىك ماشينالاردىڭ جەتىلدىرىلگەن ۇلگىلەرىمەن تەحنيكالىق جابدىقتاۋ ماسەلەسىن پىسىقتاۋدى جانە جاتتىقتىرۋشىلار قۇرامىن كۇشەيتۋدى تاپسىردى.

كەڭەستىڭ كەلەسى تاقىرىپتىق بولىگىنە اۋىسا وتىرىپ، اسكەري ۆەدومستۆو باسشىسى پرەزيدەنتتىڭ قازاقستان حالقىنا جولداۋى ماتىنىندە قارۋلى كۇشتەردەگى تسيفرلاندىرۋدىڭ ءرولىن اتاپ ءوتتى.

"قازاقستان حالقىنا جىل سايىنعى جولداۋىندا پرەزيدەنت تسيفرلاندىرۋدى بارلىق رەفورمالاردىڭ نەگىزگى ەلەمەنتى دەپ اتادى. تسيفرلاندىرۋ ء–سان ۇردىستەرىن ۇستانۋ ەمەس، بۇل ۇلتتىق باسەكەگە قابىلەتتىلىككە قول جەتكىزۋدىڭ نەگىزگى قۇرالى"، - دەپ اتاپ ءوتتى مينيستر. بۇگىندە قارۋلى كۇشتەردە اتالمىش باعىتتى دامىتۋعا ەرەكشە كوڭىل بولۋدە. اسكەرلەردى باسقارۋدىڭ اۆتوماتتاندىرىلعان جۇيەلەرى بەلسەندى تۇردە ەنگىزىلۋدە، قاعاز قۇجات اينالىمى قىسقارتىلىپ، ونلاين، ونىڭ ىشىندە ءموبيلدى قوسىمشانىڭ كومەگىمەن كورسەتىلەتىن قىزمەتتەر سانىنىڭ اۋقىمى كەڭەيۋدە.

كەڭەس بارىسىندا قورعانىس ۆەدومستۆوسىنىڭ باسشىسىنا پرەزيدەنتتىڭ قازاقستان حالقىنا جولداۋىن جەتكىزۋ جانە ءتۇسىندىرۋ ءۇشىن اقپاراتتىق-ءتۇسىندىرۋ توبىن قۇرۋ تۋرالى باياندالدى. ونىڭ مىندەتى – ءاربىر اسكەري قىزمەتشىگە بولاشاققا باعدار بەرەتىن باعدارلامالىق قۇجاتتىڭ ءمانىن جەتكىزۋ.

مينيسترگە اسكەرلەردىڭ جاعدايى مەن وتكەن اپتادا وتكىزىلگەن ءىس-شارالار تۋرالى باياندالدى. اسكەرلەردىڭ كۇندەلىكتى جۇمىسى، بەكىتىلگەن دايارلىق جوسپارلارىنا سايكەس ۇيىمداستىرىلعان. بۇل رەتتە كارانتيندىك شەكتەۋلەر دە قاتاڭ ساقتالادى. جالپى، قارۋلى كۇشتەردەگى سانيتارلىق-ەپيدەميولوگيالىق جاعداي تۇراقتى. كوروناۆيرۋستىق ينفەكتسيامەن اۋىرعان اسكەري قىزمەتشىلەر تىركەلگەن جوق. اسكەري دارىگەرلەر جەكە قۇرام دەنساۋلىعىنىڭ قاۋىپسىزدىگى ماقساتىندا پروفيلاكتيكالىق جانە ەپيدەمياعا قارسى ءىس-شارالاردىڭ قاجەتتى كەشەنىن قامتاماسىز ەتەدى.

قارۋلى كۇشتەردى قىسقى كەزەڭگە دايىنداۋ بويىنشا اۋقىمدى جۇمىس كۇتىپ تۇر. قورعانىس ۆەدومستۆوسىنىڭ باسشىسى بارلىق ءىس-شارالاردى ۇيىمداستىرۋ جانە ۋاقتىلى اياقتاۋ جونىندە ءتيىستى تاپسىرمالار بەردى. اتاپ ايتقاندا، بارلىق كوممۋنالدىق نىسانداردىڭ جىلىتۋ ماۋسىمىنا دايىندىعىن قامتاماسىز ەتۋ. ول ءۇشىن كازارمالىق-تۇرعىن ءۇي قورىنىڭ، اكىمشىلىك عيماراتتاردىڭ جىلىتۋ جابدىقتارىنا تەكسەرۋ جۇرگىزۋ قاجەت. جەكە قۇرامدى زاتتاي م ۇلىكپەن ۋاقتىلى قامتاماسىز ەتۋ دە ماڭىزدى. بۇل ماسەلەنى شەشۋدى مينيستر بارلىق دارەجەدەگى كومانديرلەرگە تاپسىردى.

"سونىمەن قاتار، قىسقى كەزەڭگە قارۋ–جاراق پەن اسكەري تەحنيكانى دايىنداۋ قاجەت"، - دەدى قورعانىس ۆەدومستۆوسىنىڭ باسشىسى.

قىسقا دايىندىق جۇمىستارىن ۇيىمداستىرۋ جانە وتكىزۋ كەزىندە مينيستر، بارلىق لاۋازىمدى تۇلعالارعا جەكە قۇرامنىڭ قاۋىپسىزدىك شارالارىن ساقتاۋىنا ەرەكشە نازار اۋدارۋدى تاپسىردى.

سوڭعى جاڭالىقتار

ەرتەڭ ۇكىمەت وتىرىسى وتەدى

ۇكىمەت • بۇگىن، 15:00

ۇقساس جاڭالىقتار