سايىس قاتىسۋشىلارى جارتىلاي فينالدا ەستافەتا تۇرىندە ءوزارا باق سىناستى. ءار ەلدەن ءۇش ەكيپاج كەزەكتەسە وتىرىپ, ءۇش اتىس شەبى مەن 10 كەدەرگىلەرى بار جالپى ۇزىندىعى 16 شاقىرىمنان استام قاشىقتىقتى ءجۇرىپ ءوتتى. قازاقستاندىق جاۋىنگەرلەر تراسسادان سەنىمدى ءوتتى. ال اتىس شەبىندەگى جەكەلەگەن دالسىزدىكتەر اسكەري قىزمەتشىلەردىڭ ديستانتسيادان ءوتۋ شەبەرلىگىمەن وتەلدى.
جارىستىڭ ەرەجەسىنە سايكەس فينالعا قاتىسۋشىلاردى ىرىكتەۋدە, ءجۇرۋ بارىسىندا ءبىرىنشى ورىندى ەنشىلەۋ ەمەس, باستىسى اراقاشىقتىقتى ءوتۋ ۋاقىتى بولىپ تابىلادى.
"تانك بياتلونى" باس جاتتىقتىرۋشىسىنىڭ پىكىرى بويىنشا جارتىلاي فينالدا ءبىزدىڭ تانكىشىلەردىڭ وسىنداي ناتيجە كورسەتۋى 840 اتتىڭ كۇشقۋاتى بار تانكتىڭ بازالىق مودەلىندە, ال رەسەي, بەلارۋس جانە قىتاي قاتىسۋشىلارى جەتىلدىرىلگەن تانكتەردە ونەر كورسەتۋى ىقتيمال بولۋى مۇمكىن. اتاپ ايتقاندا, رەسەيلىكتەر مەن بەلورۋستەر كۇشقۋاتى 1130 اتتىڭ كۇشى بار قوزعالتقىشى جانە كومانديردىڭ پانورامالىق تەپلوۆيزيالىق قۇرالى بار جاڭارتىلعان ت-72ب3-م اسكەري ماشينالارىن قولدانادى. قىتاي كومانداسى ءوزىنىڭ Type-96ۆ تانكىلەرىندە جارىستارعا قاتىسادى. اشىق كوزدەردەن الىنعان مالىمەتتەرگە سايكەس, اتالمىش تانكىدە 1200 اتتىڭ كۇشى بار قۋات قوندىرعىسى, سونىمەن قاتار ۆيزۋالداۋ, باسقارۋ جانە قۋاتتاۋ مەحانيزمدەرى بار.
سونىمەن قاتار, قازاقستاندىق كوماندا ونەر كورسەتكەن كۇنى جەلدى اۋا-رايىنىڭ قولايسىزدىعى, نەگىزگى باسەكەلەستەرىمىزدىڭ العاشقى جارتىلاي فينالدىق جارىسىقان قولايلى كۇندەردەن قاتتى ەرەكشەلەندى.
بۇل فاكتورلار قازاقستاندىق تانكىشىلەردىڭ جوعارى كاسىبيلىگى مەن شەبەرلىكتەرىنە قاراماستان جارتىلاي فينالدىڭ ناتيجەسىن الدىن الا انىقتادى. سونىمەن قاتار, ءبىزدىڭ كومانداعا فينالعا شىعۋ ءۇشىن قاجەتتى ۋاقىتتى كورسەتۋگە مۇمكىندىك بەرمەدى.
جارتىلاي فينالدىڭ ناتيجەلەرىنە سايكەس ۋاقىت بويىنشا ەڭ جاقسى 4 كوماندالار انىقتالدى: ءازىربايجان, بەلارۋس, قىتاي جانە رەسەي. فينالعا شىققان اتالمىش كوماندالار 2020 جىلعى 5 قىركۇيەكتە وتەتىن ارميا حالىقارالىق ويىندارىنىڭ سوڭعى كۇنىندە وتەتىن تانك بياتلونىندا جارىسادى.
ايتا كەتۋ كەرەك, تانك بياتلونىنا قاتىسۋشىلاردىڭ دايىندىق دەڭگەيى, باسەكەلەستىگى جىلدان جىلعا ارتىپ كەلەدى. ءبىزدىڭ تانكىشىلەر تارتىستى كۇرەستە 16 قاتىسۋشى ەل اراسىندا بەسىنشى ورىنعا يە بولدى. ولار قىسىلتاياڭ جاعدايلاردا وزدەرىنىڭ بەرىك مىنەز, ماقساتقا جەتۋدەگى تاباندىلىق, جەڭىسكە دەگەن ەرىك-جىگەر سىندى قاسيەتتەرىن كورسەتە ءبىلدى.
