ەكىنشىدەن, جەرگىلىكتى ءوزىن ءوزى باسقارۋ بويىنشا اۋىل اكىمدەرىن سايلاۋ. بۇرىن بۇل تارتىپتەن اكىمدەر ءماسليحات ارقىلى وتەتىن. ال ەندى تىكەلەي حالىقپەن جۇمىس ىستەيتىن بولادى. بۇل جينالىستاردىڭ وزەكتىلىگىن ارتتىرا تۇسىرەدى. بۇل دا ماڭىزدى ماسەلە, ويتكەنى ونىمەن تۇرعىندار اراسىندا تەك قوعام بەلسەندىلەرى اينالىسىپ كەلدى.
ۇشىنشىدەن, بۇل «جاسىل» ەكونوميكانى دامىتۋ. مۇنىڭ دا ماڭىزدىلىعى كەم ەمەس. «جاسىل» ەكونوميكا جۇمىسپەن قامتۋ دەڭگەيىن ارتتىرىپ قانا قويماي, تۇتاستاي ەكونوميكانىڭ دامۋىنا جەتكىلىكتى دەڭگەيدە اسەر ەتەدى. سوندىقتان پرەزيدەنت بۇعان نازار اۋدارىپ, ەكولوگيالىق كودەكستىڭ قابىلدانۋىنا تىكەلەي تاپسىرما بەرگەنى بارشاعا ءمالىم. سونداي-اق اۋىلدىق جەرلەردە ءبىلىم بەرۋدەگى تەڭسىزدىكتى جويۋ تۋرالى ايتىلدى. نەگە دەسەڭىز, شالعاي ايماقتارداعى بالالار قالالىق وقۋشىلاردان كەم ءبىلىم الماۋى ءتيىس.
ءتورتىنشىسى, سوت-قۇقىقتىق باعىت. بۇل جەردە پوليتسەيلەر اراسىنداعى وكىلەتتىكتەردىڭ ارا جىگىن اجىراتۋ تۋرالى ايتىلدى. ايتالىق, ءتارتىپ ساقشىلارىنىڭ قىزمەتتىك قۇزىرەتىنە نە كىرەدى, پروكۋراتۋرا ءىس-ارەكەتى قانداي بولۋ كەرەكتىگى جان-جاقتى قامتىلعانى ورىندى.
كۆازيمەملەكەتتىك ۇيىمداردىڭ جۇمىسىن رەتكە كەلتىرەتىن ۋاقىت جەتتى. مۇنى مەملەكەت باسشىسىنىڭ ءوزى اڭعارتتى. كۆازيمەملەكەتتىك سەكتور دەگەنىمىز نە؟ بۇل مەملەكەتتەن بولىنەتىن قاراجاتپەن جۇمىس ىستەيتىن ۇيىمدار. سول سەبەپتى پرەزيدەنت قىزمەت كورسەتۋدىڭ سەرۆيستىك مودەلىنە كوشۋگە نازار اۋدارىپ, ەكونوميكا مەن بيزنەستى نارىقتىق تۇرعىدا دامىتۋعا كۇش سالۋ كەرەكتىگىن جەتكىزدى. ال قازىر حولدينگتەردىڭ ينۆەستورلار نەمەسە شاعىن جانە ورتا بيزنەسپەن باسەكەگە ءتۇسىپ جاتقانى بايقالۋدا. سوندىقتان قاسىم-جومارت توقاەۆتىڭ وسى شەشىمى قازىرگى جاعدايدا ءتيىمدى ەكەنى كۇمانسىز.
بۇعان قوسا, ورىنسىز تەكسەرۋلەردى ازايتۋ جونىندەگى باستاما دا بيزنەس تاراپىنان قولداۋ تاباتىنى انىق. وسى ورايدا مەملەكەت باسشىسى سالىق زاڭناماسىنا نازار اۋدارىپ, بۇل باعىتتاعى جۇمىستاردى تسيفرلى فورماتقا اۋىستىرۋدىڭ تيىمدىلىگىن ايتتى جانە بۇل ماسەلەنى ۇلتتىق كاسىپكەرلەر پالاتاسىنا ۇكىمەتپەن بىرلەسىپ, پىسىقتاۋدى تاپسىردى.
ايگۇل سولوۆەۆا,
قازاقستاننىڭ ەكولوگيالىق ۇيىمدار قاۋىمداستىعىنىڭ توراعاسى
