ەلىمىزدە ءورت قاۋىپتى كەزەڭ جالعاسۋدا. ءورت قاۋىپتى كەزەڭنىڭ باسىنان باستاپ ەلىمىزدە 591 ورمان (2019ج. – 539) جانە 104 دالا (2019ج. – 49) ورتتەرى تىركەلدى, دالا القاپتارىندا 3 142 جانۋ (2019ج. – 4 481) ورىن الدى. جانۋ الاڭى 244 مىڭنان گەكتاردى (2019 جىلى – 145 مىڭ گا) قۇرادى.
سونىمەن قاتار, ءورت قاۋىپتى كەزەڭنىڭ باسىنان باستاپ ەل اۋماعىندا اۋىل شارۋاشىلىعى وندىرۋشىلەرىنىڭ ەگىس القاپتارىندا 15 ءورت (2019 ج. – 26) ورىن الدى, ونىڭ بارىسىندا شامامەن 148 گەكتار ەگىس القابى جويىلدى.
ءىىم تج كوميتەتى ازاماتتاردى دالا جانە ورمان القاپتارىندا بولعان كەزدە قاۋىپسىزدىك ەرەجەلەرىن ساقتاۋعا شاقىرادى. تابيعي ورتتەردىڭ تۋىنداۋىنىڭ نەگىزگى سەبەپتەرى حالىقتىڭ وتتى ابايسىز پايدالانۋى, سوندىرىلمەگەن تەمەكى, الاۋ, جانىپ جاتقان سىرىڭكە, اتۋدان كەيىنگى تىعىننىڭ بىقسۋى, مايلى نەمەسە توزىعى جەتكەن شۇبەرەك, شىنى بوتەلكە, كۇن ساۋلەسىنىڭ سىنۋى, كولىك قۇرالىنىڭ سوندىرگىشىنەن ۇشقىن, قۇرعاق ەسكى ءشوپتى جاعۋ, نايزاعايدىڭ ويناۋى.
تابيعي ورتتەردىڭ ورىن الۋ قاۋپىن بولدىرماۋ جانە ازايتۋ ماقساتىندا ورتالىق جانە جەرگىلىكتى اتقارۋشى ورگاندار الدىن الۋ شارالارىنىڭ كەشەنىن جۇرگىزەدى.
ازاماتتىق قورعاۋ ورگاندارىنىڭ ينسپەكتورلارى ورمان القاپتارىندا تۇراتىن اۋىل شارۋاشىلىعى وندىرۋشىلەرىمەن, شارۋا قوجالىقتارىمەن جانە تۇرعىندارمەن 21 مىڭنان استام نۇسقاۋلىق پەن جيىن, 563 دوڭگەلەك ۇستەل وتكىزدى.
ازاماتتىق قورعاۋ ورگاندارىنىڭ ينسپەكتورلارى پوليتسيا قىزمەتكەرلەرىمەن بىرلەسىپ ورمان-دالا القاپتارىندا جانە دەمالىس ورىندارىندا 7 230 بىرلەسكەن رەيد وتكىزدى. ناتيجەسىندە, رۇقساتسىز ورتەگەنى, اۋىل شارۋاشىلىعى القاپتارىندا باقىلاۋسىز قۇرعاق ءشوپ, ساباندى ورتەگەنى جانە باسقا دا ءورت قاۋىپسىزدىگى قاعيدالارىن بۇزعانى ءۇشىن 929 ازامات اكىمشىلىك جاۋاپكەرشىلىككە تارتىلدى.
3 188 ەلدى مەكەندە قۇرعاق وسىمدىكتەردەن جانە جانعىش قوقىستان تازارتۋ بويىنشا جۇمىستار جۇرگىزىلدى, 17 897 شاقىرىم مينەرالداندىرىلعان جولاق جاسالدى.
ورمان مەكەمەلەرى مەن جەرگىلىكتى اتقارۋشى ورگاندارمەن 18 ءورت-تاكتيكالىق ساباق وتكىزىلدى. ورماندار مەن دالالاردىڭ جانۋ وشاقتارىن ۋاقتىلى انىقتاۋ ماقساتىندا اۆياتسيالىق پاترۋلدەۋ جۇزەگە اسىرىلادى.
