ەستەرىڭىزگە سالا كەتەيىك, 25 – 27 تامىز ارالىعىندا تۇركىستان وبلىسىنىڭ اۋماعىندا پوليتسەيلەر كوشەلەردە جانە باسقادا ورىنداردا ءتيىستى قوعامدىق ءتارتىپتى ساقتاۋ, قىلمىستاردىڭ الدىن الۋ جانە جولىن كەسۋ ماقساتىندا "قۇقىقتىق ءتارتىپ" جەدەل-پروفيلاكتيكالىق ءىس-شاراسىن وتكىزدى.
مىسالى, سايرام اپب-ءنىڭ پوليتسيا قىزمەتكەرلەرى "قۇقىقتىق ءتارتىپ" جەدەل-پروفيلاكتيكالىق ءىس-شاراسى كەزىندە ءتورت قىلمىستى اشىپ, ءبىو ىزدەستىرىلىپ جاتقان قىلمىسكەردى ۇستادى, 11 بورىشكەردىڭ ورنالاسقان جەرىن انىقتاپ, 335 اكىمشىلىك قۇقىق بۇزۋشىلىقتى انىقتادى. اتالعان ءىس-شارانى وتكىزۋگە اۋداندىق پوليتسيا باسقارماسىنىڭ 70-كە جۋىق قىزمەتكەرلەرى جانە 12 قىزمەتتىك اۆتوكولىك, ونىڭ ىشىندە پاترۋلدىك پوليتسيانىڭ ءۇش اۆتوەكيپاجى جۇمىلدىرىلدى.
جەدەل-پروفيلاكتيكالىق ءىس-شارا بارىسىندا ءتارتىپ ساقشىلارى قارسى قوزعالىس جولاعىنا شىققانى ءۇشىن ەكى جۇرگىزۋشىنى اكىمشىلىك جاۋاپكەرشىلىككە تارتتى جانە وسى جىلى اۆتوكولىكتەردى ماس كۇيىندە باسقارعان ەكى ماس جۇرگىزۋشىنى ۇستادى. سونداي-اق, پوليتسەيلەر 18 ۇساق بۇزاقىلىق, 16 ماس كۇيىندە قوعامدىق ورىندا بولۋدىڭ جولىن كەستى. تۇنگى ۋاقىتتا ويىن-ساۋىق مەكەمەلەرىندە نەمەسە زاڭدى وكىلدەرىنىڭ ەرىپ ءجۇرۋىنسىز تۇرعىن ۇيدەن تىس جەردە بولعان 11 ءجاسوسپىرىمدى انىقتاپ, قورعاۋ نۇسقاماسىن بۇزعانى ءۇشىن ەكى ادامدى جاۋاپكەرشىلىككە تارتتى. كوشى-قون جەلىسى بويىنشا پوليتسيا قىزمەتكەرلەرى قازاقستان رەسپۋبليكاسىندا تۇرۋ ەرەجەلەرىن بۇزعانى ءۇشىن 13 شەتەلدىكتى تىركەۋسىز نەمەسە جەكە باسىن كۋالاندىراتىن قۇجاتتارسىز ۇستادى.
ءوز كەزەگىندە تۇركىستان وبلىسى پد جەرگىلىكتى پوليتسيا قىزمەتىنىڭ قىزمەتكەرلەرى "قۇقىقتىق ءتارتىپ" جەدەل-پروفيلاكتيكالىق ءىس-شاراسى اياسىندا پوليتسيانىڭ ءيميدجىن ارتتىرۋعا, قوعامدىق ورىندار مەن كوشەلەردەگى قۇقىقبۇزۋشىلىقتار مەن قىلمىستاردىڭ الدىن الۋعا, سونداي-اق جول قاۋىپسىزدىگىن قامتاماسىز ەتۋگە جانە جولدارداعى اپاتتىلىقتى ازايتۋعا باعىتتالعانىن اتاپ ءوتتى.
