جەكە جارىستىڭ كەزەكتى كەزەڭىنە كوماندالاردىڭ ەكىنشى ەكيپاجدارى قاتىستى. قازاقستاندىق تانكىشىلەر تراسسادان سەنىمدى ءوتىپ, اتىس شەبىندەگى بارلىق نىساناعا قول جەتكىزىپ ەكىنشى ورىنعا يە بولدى. تانك بياتلونى ءۇشىن ارنايى دايىندالعان جاۋىنگەرلىك ماشينادا ونەر كورسەتەتىن رەسەيلىك ەكيپاج عانا قازاقستاندىق جاۋىنگەرلەردى باسىپ وزا الدى. سونداي-اق وعان قاشىقتىقتى ءوتۋ كەزىندە بەلگىلى ءبىر ارتىقشىلىق بەردى.
قىرعىزستان مەن وزبەكستاننان كەلگەن تانكىشىلەر ءبىزدىڭ ەكيپاجبەن ءبىر كەزدەسۋدە ونەر كورسەتىپ, ءۇشىنشى جانە ءتورتىنشى ورىندارعا جايعاستى.
ەلىمىزدىڭ تانكىشىلەرى ءۇشىن جەكە جارىس كەزەڭى 27 تامىزدا اياقتالادى. ال, جارتىلاي فينالعا شىعۋ ءۇشىن كوماندالاردىڭ ءۇشىنشى ەكيپاجدارى ءوزارا كۇرەستى جالعاستىرادى.
ەستەرىڭىزگە سالا كەتەيىك, ماسكەۋ ماڭىنداعى "الابينو" پوليگونىندا "ارحو – 2020" جالعاسۋدا. كەشە قازاقستاندىق تانكىشىلەر ەكيپاجدىڭ جەكە جارىسىندا ەكىنشى ورىنعا تابان تىرەدى.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ءۇشىن Telegram جەلىسىندە بىزگە جازىلىڭىز.
