«قازمۇنايگاز» ۇك اق (بۇدان ءارى – قمگ) ديرەكتورلار كەڭەسى وكىلەتتىگىنىڭ مەرزىمى اياقتالعانىنا بايلانىستى «سامۇرىق-قازىنا» ۇاق» اق (بۇدان ءارى – قور) باسقارماسى 2020 جىلعى 17 تامىزدان باستاپ جۇمىس ىستەيتىن ديرەكتورلار كەڭەسىنىڭ تومەندەگى قۇرامىن بەكىتتى:
- كريستوفەر دجون ۋولتون, قمگ ديرەكتورلار كەڭەسىنىڭ توراعاسى, تاۋەلسىز ديرەكتور;
- ايدارباەۆ اليك سەرىك ۇلى, قمگ باسقارما توراعاسى;
- تيم گ. ميللەر, تاۋەلسىز ديرەكتور;
- فيليپ مالكولم حوللاند, تاۋەلسىز ديرەكتور;
- قارابالين ۇزاقباي سۇلەيمەن ۇلى, قور وكىلى;
- ساتقاليەۆ الماسادام مايدان ۇلى, قور وكىلى;
- ەنتوني ەسپينا, قور وكىلى.
جوعارىدا اتالعان ديرەكتورلار قوردىڭ كورپوراتيۆتىك باسقارۋ كودەكسىنىڭ روتاتسيا جوسپارىنا سايكەس 3 جىل مەرزىمگە سايلاندى. ديرەكتورلار كەڭەسىنىڭ الدىڭعى قۇرامىندا توعىز ادام بولعانىن ايتا كەتكەن ءجون. كريستوفەر ۋولتون, ۇزاقباي قارابالين, الماسادام ساتقاليەۆ, ەنتوني ەسپينا جانە اليك ايدارباەۆ قمگ ديرەكتورلار كەڭەسىنىڭ مۇشەلەرى رەتىندە ءوز قىزمەتىن جالعاستىرادى.
كومپانيا بۇعان دەيىنگى ديرەكتورلار كەڭەسىنىڭ بارلىق مۇشەلەرىنە, اتاپ ايتقاندا بالجيت كاۋر, ستيۆەن ۋايت, فيليپ دايەر جانە لۋيسا پاليا دا سيلۆاعا اتقارعان جۇمىستارى جانە «قازمۇنايگاز» ۇك اق دامۋىنا قوسقان ۇلەستەرى ءۇشىن العىس بىلدىرەدى.
سونىمەن قاتار, كومپانيا جاڭادان تاۋەلسىز ديرەكتورلار بولىپ سايلانعان تيم ميللەر مەن فيليپ حوللاندتىڭ جۇمىسىنا ساتتىلىك تىلەيدى. تيم ميللەردىڭ مۇناي-گاز سالاسىندا حالىقارالىق تاجىريبەسى مول. فيليپ حوللاند دۇنيەجۇزى بويىنشا اۋقىمدى جوبالاردى ىسكە اسىرىپ جۇرگەن مامان.
قمگ ديرەكتورلار كەڭەسىن نىعايتۋ جونىندەگى جۇمىستى كورپوراتيۆتىك باسقارۋدىڭ حالىقارالىق تالاپتارىنا ساي جالعاستىراتىن بولادى.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ءۇشىن Telegram جەلىسىندە بىزگە جازىلىڭىز.
