ەكونوميكا • 14 تامىز، 2020

InfoKazakhstan ەلەكتروندى پلاتفورماسى ىسكە قوسىلدى

85 رەت كورسەتىلدى

بۇگىننەن باستاپ بيزنەستىڭ لوكداۋننان شىعۋىنا ارنالعان InfoKazakhstan ەلەكتروندى پلاتفورماسى ىسكە قوسىلدى، - دەپ حابارلايدى  Egemen.kz "اتامەكەن" ۇكپ ءباسپاسوز قىزمەتىنە سىلتەمە جاساپ.

كارانتين  قىزمەت كورسەتۋ جانە ساۋدا سالاسىنداعى 830 مىڭنان استام كاسىپكەردىڭ قىزمەتىنە تەرىس اسەر ەتتى، بۇل سالالاردا 1،3 ملن ادام جۇمىس ىستەيدى. جەدەل شتابتىڭ 40 مىڭ كاسىپكەرگە جۇرگىزگەن ساۋالناما ناتيجەسى قاتىسۋشىلاردىڭ 35%-ى جۇمىسكەرلەرىن قىسقارتقان نەمەسە اقىسىز دەمالىسقا جىبەرۋگە ءماجبۇر بولعانىن كورسەتتى. قوعامدىق  تاماقتانۋ، كولىك، تۇرمىستىق جانە باسقا قىزمەتتەر، بولشەك ساۋدا – اناعۇرلىم زارداپ شەككەن سالالار. 

20 شىلدەدەن باستاپ 5 تامىزعا دەيىن دەنساۋلىق ساقتاۋ مينيسترلىگى، باس سانيتارلىق دارىگەر، مۇددەلى تاراپتار جانە بيزنەس-قوعامداستىق، كاسىپكەرلەردىڭ بىرلەسۋىمەن بيزنەستىڭ سالالار بويىنشا جۇمىسىن قايتا باستاۋ جونىندەگى الگوريتمدەردى تالقىلاۋ جانە كونسۋلتاتسيالار سەرياسى ءوتتى.

"اتامەكەن" ۇلتتىق كاسىپكەرلەر پالاتاسى كاسىپكەرلىك قىزمەتتى جاڭارتۋ جونىندەگى الگوريتمدەردى ىسكە اسىرۋ شەڭبەرىندە InfoKazakhstan ەلەكتروندى پلاتفورماسىن ىسكە قوستى. اتالعان پلاتفورما – بارلىق سانيتارلىق نورمالاردى ساقتاي وتىرىپ،بيزنەسكە كارانتين رەجيمىنەن كەزەڭ-كەزەڭمەن شىعۋعا كومەكتەسەتىن تسيفرلىق شەشىم. وسىلايشا ەپيدەميولوگيالىق قاتەرلەردى ازايتۋعا، سونداي-اق كاسىپكەرلىك قىزمەتتى جاڭارتۋ ءۇشىن قولايلى جاعداي جاساۋعا باعىتتالعان قۇرال بولماق. 

پلاتفورمانىڭ قاراپايىم ينتەرفەيسى قىسقا مەرزىمدە 4 قادام ارقىلى سانيتارلىق نورمالارعا سايكەستىك اكتىسىن الۋعا مۇمكىندىك بەرەدى:

1-قادام. InfoKazakhstan سايتىنا كىرىپ، ۇيىمىڭىزدى ەلەكتروندى تسيفرلىق قولتاڭبا ارقىلى تىركەپ، كاسىبىڭىزگە قويىلعان تالاپتارمەن تانىسىڭىز. بيزنەستىڭ جەكەلەگەن تۇرلەرى جۇمىسىن تەكسەرۋسىز، حابارلاما تارتىبىندە قايتا باستاي الادى. 

2-قادام. نىساندى تالاپتارعا ساي دايىنداپ، جۇمىس ىستەۋگە دايىندىعىڭىزدى ەلەكتروندى ءوتىنىم بەرۋ ارقىلى راستاڭىز. 

3-قادام. سانيتارلىق-ەپيدەميولوگيالىق قىزمەتتىڭ تەكسەرۋ جۇرگىزۋىن كۇتەسىز. 

4-قادام. تەكسەرۋ جۇرگىزىلگەن سوڭ ناتيجە وڭ بولسا، وندا جەكە كابينەتتە جۇمىستى قايتا باستاۋعا سانيتارلىق نورمالارعا سايكەستىك اكتىسىن جۇكتەپ الۋ قاجەت. ەگەر ناتيجەس تەرىس بولسا، وندا ولقىلىقتاردى رەتتەپ، ءوتىنىمدى قايتا جىبەرىڭىز. 

"كاسىپكەرلەردىڭ ىڭعايىنا قاراي جانە بيزنەستىڭ لوكداۋننان شىعۋىنىڭ اشىقتىعىن قامتاماسىز ەتۋ، ادامي فاكتورداردى الىپ تاستاۋ ماقساتىندا InfoKazakhstan ەلەكتروندى پلاتفورماسىن ىسكە قوستىق. پلاتفورما ارقىلى ءار كاسىپكەر قىزمەتتى جاڭارتۋعا ءوتىنىش بەرە الادى. InfoKazakhstan سايتىنىڭ ينتەرفەيسى قاراپايىم ءارى تۇسىنىكتى، ءتۇسىندىرۋ جۇمىسىنا باسا نازار اۋدارىلعان. وقىتۋ روليكتەرى، جادنامالار ازىرلەندى، "اتامەكەن" ۇكپ بايلانىس ورتالىعى، وڭىرلىك پالاتالار بازاسىندا تەحنيكالىق قولداۋ قىزمەتى ىسكە قوسىلدى. جۋرناليستەردى اۋقىمدى اقپاراتتاندىرۋ جۇمىسىنا اتسالىسۋعا شاقىرامىز"، – دەدى "اتامەكەن" ۇلتتىق كاسىپكەرلەر پالاتاسىنىڭ باسقارما توراعاسىنىڭ ءبىرىنشى ورىنباسارى ەلدار جۇماعازيەۆ.

پلاتفورما توتەنشە جاعداي كەزەڭىندە الماتى قالاسىندا ءتيىمدى ىسكە اسقان infoalmaty.kz جوباسى نەگىزىندە ازىرلەندى. بۇل سايتتى كاسىپكەرلەر قالا بويىنشا ءجۇرىپ-تۇرۋعا رۇقسات الۋ ءۇشىن قولداندى. 

كاسىپكەرلەر بيزنەستىڭ جۇمىس ىستەۋگە دايىندىعى تۋرالى ءوتىنىشتى جۇكتەپ، سانيتارلىق نورمالار مەن تالاپتاردى ساقتايتىندارىنا كەپىلدىك بەرەدى. تالاپتار ورىندالمايتىن بولسا ايىپپۇلدىق سانكتسيالار قولدانىلادى. سايتتا قوعامدىق باقىلاۋ فۋنكتسياسى جۇمىس ىستەيدى. كەز كەلگەن ازامات كاسىپورىن تاراپىنان سانيتارلىق نورمالاردىڭ بۇزىلعانى جايىندا شاعىم تۇسىرە الادى. ال جەكە كابينەت ارقىلى كاسىپكەر ءوتىنىشتىڭ قارالۋ دەڭگەيىن باقىلاپ، ەلەكترونى ءوتىنىش، ازاماتتاردان كەلىپ تۇسكەن ۇسىنىمدار مەن شاعىمداردى قاراي الادى. 

سونداي-اق سايتتا اكىمدىكتەر، سانيتارلىق دارىگەرلەر، پوليتسيا، وڭىرلىك پالاتالار جانە تۇتىنۋشىلار ليگاسى وكىلدەرىنەن قۇرالعان تۇراقتى مونيتورينگتىك توپ جۇمىس ىستەيتىن بولادى. رەسۋرس قىزمەتىن ءبىر مەزگىلدە 150 000 تۇتىنۋشى پايدالانا الادى. 

بارلىق سۇراقتاردى بىرىڭعاي بايلانىس-ورتالىعىنا 1432 (قوڭىراۋ شالۋ تەگىن) قوڭىراۋ شالىپ، قويۋعا بولادى.  

سوڭعى جاڭالىقتار

نامىسىن تۋ ەتكەن

رۋحانيات • كەشە

ۇقساس جاڭالىقتار