ءبىلىم • 13 تامىز، 2020

جاڭا وقۋ جىلىندا ولقىلىقتارعا ورىن بەرىلمەيدى

222 رەت كورسەتىلدى

جامان تۇماۋ جايلاعان كەزدە ءبىلىم سالاسىنىڭ جۇمىسى تۋرالى ەل ىشىندە ارقيلى توپشىلاۋلار ايتىلا باستاعان. قيسىنعا كەلەتىنى دە، كەلمەيتىنى دە بار. ماسەلەنىڭ ءمانىسى تاياۋدا وبلىس اكىمى ەرمەك مارجىقپاەۆتىڭ قاتىسۋىمەن وتكەن  بريفينگتەن بەلگىلى بولدى، - دەپ حابارلايدى Egemen.kz

جاڭا وقۋ جىلىندا 132 مىڭنان استام وقۋشى ءبىلىم وشاعىنىڭ تابالدىرىعىن اتتاماق. شامامەن 15 مىڭى ءبىرىنشى سىنىپ وقۋشىلارى. ەپيدەميولوگيالىق جاعدايدى ەسكەرە وتىرىپ، 555 مەكتەپتىڭ ىشىندە شالعايدا ورنالاسقان، ءارى وقۋشى سانى از 248 مەكتەپ جاڭا وقۋ جىلىن شتاتتىق رەجيمدە باستايدى. قالعان 307 مەكتەپ قاشىقتىقتان وقىتادى.

–بۇدان بولەك، قاشىقتىقتان وقىتاتىن مەكتەپتەردە اتا-انالاردىڭ ءوتىنىشى بويىنشا 15 وقۋشىعا دەيىن ءبىلىم الاتىن كەزەكشى سىنىپتار جۇمىس ىستەيدى. وبلىس مەكتەپتەرىندە وسىنداي 3 مىڭ كەزەكشى سىنىپ بولۋى مۇمكىن دەپ جوسپارلانۋدا. كەزەكشى سىنىپتاردا 45 مىڭعا جۋىق وقۋشى ءبىلىم الماق. ەڭ باستى ماسەلە، ءار وقۋشىعا ءبىلىم بەرۋ ءۇشىن قاجەتتى جاعداي جاساۋ. قاشىقتىقتان وقىتۋ كەزەڭىندە كومپيۋتەرلىك تەحنيكاسى جوق وقۋشىلارعا مەكتەپ كومپيۋتەرلەرى ۋاقىتشا پايدالانۋعا بەرىلەتىن بولادى، – دەدى ەرمەك مارجىقپاەۆ.

وبلىس اكىمىنىڭ ايتۋىنشا، بۇگىندە مەكتەپتەردە 16 مىڭعا تاياۋ كومپيۋتەرلىك تەحنيكا بار. ونىڭ 1،5 مىڭى ۇستىمىزدەگى جىلى ساتىلىپ الىندى. جاڭا وقۋ جىلى باستالعانعا دەيىن تاعى 300 كومپيۋتەر ساتىپ الۋ جوسپارلانۋدا. وسى رەتتە، وبلىس اكىمى ءبىرىنشى كەزەكتە الەۋمەتتىك  از قامتاماسىز ەتىلگەن وتباسىلاردىڭ بالالارىن قامتۋ قاجەتتىگىن ەكپىن تۇسىرە ايتىپ ءوتتى. وسى ورايدا، ۇكىمەت رەزەرۆى قاراجاتىنا 23 مىڭ كومپيۋتەرلىك تەحنيكا ساتىپ الىنباقشى. سونداي-اق، كومپيۋتەرلىك تەحنيكاسى جوق ۇستازدارعا ءبىلىم قىزمەتكەرلەرىنىڭ سالالىق كاسىپوداعى ەسەبىنەن نوۋتبۋكتەر ساتىپ الىنىپ، پايدالانۋعا بەرىلەدى.

وبلىستىڭ جالپى ءبىلىم بەرەتىن بارلىق مەكتەپتەرى كەڭ جولاقتى جىلدامدىقتى ينتەرنەتكە قوسىلعان. 300 مەكتەپتەگى ينتەرنەتتىڭ جىلدامدىعى سەكۋندىنا 4-تەن 8 مبيت-ءتى قۇرايدى. 252 مەكتەپتە ينتەرنەتتىڭ جىلدامدىعى سەكۋندىنا 8 مبيت-تەن جوعارى. قازىرگى تاڭدا «قازاقتەلەكوم» اكتسيونەرلىك قوعامىمەن بىرلەسىپ، تاعى 35 مەكتەپتە ينتەرنەت جىلدامدىعىن سەكۋندىنا 8 مبيت-كە ارتتىرۋ بويىنشا جۇمىستار جۇرگىزىلۋدە. ول 1 قىركۇيەككە دەيىن اياقتالۋى ءتيىس.

132 مىڭ وقۋشىنىڭ 94 پروتسەنتىنىڭ ينتەرنەتكە ءۇي جاعدايىندا قوسىلۋعا مۇمكىندىگى بار. ال، 7800 وقۋشىنىڭ ۇيىندە ينتەرنەت جوق. وسى ماسەلەنى شەشۋ ءۇشىن وقۋشىلارعا قاشىقتىقتان وقىتۋ كەزىندە پايدالانۋعا ۇيالى بايلانىس وپەراتورلارىنىڭ ءموبيلدى ينتەرنەتى بار Wi-Fi روۋتەرلەر، فلەش-كارتالار بەرىلەدى. سونىمەن قاتار، تسيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگى ءموبيلدى وپەراتور وكىلدەرىمەن وقۋشىلار مەن پەداگوگتار ءۇشىن ايىنا 990 تەڭگەنىڭ ء«بىلىم» جەڭىلدەتىلگەن تاريفىن ىسكە قوسۋ بويىنشا كەلىسسوزدەر جۇرگىزۋدە. اتالعان تاريفتىك جوسپار وقۋشىلار مەن ۇستازدارعا ۇيالى تەلەفون ارقىلى ءبىر-بىرىنە شەكسىز قوڭىراۋ شالۋعا، ءبىلىم جانە عىلىم مينيسترلىگىمەن بەكىتىلگەن ءبىلىم ينتەرنەت رەسۋرستارىنا تەگىن كىرۋگە مۇمكىندىك بەرەدى.

–شتاتتىق رەجيمدە وقىتىلاتىن باستاۋىش سىنىپتار مەن شاعىن جيناقتى مەكتەپتەر دەزينفەكتسيالىق قۇرالدارمەن قامتاماسىز ەتىلەدى. سونداي-اق، جاڭا وقۋ جىلىنا دايىندىق رەتىندە مەكتەپتەردىڭ جاپپاي وقۋ قورىنىڭ قارجىسى ەسەبىنەن الەۋمەتتىك از قامتىلعان وتباسىلاردىڭ بالالارىنا وقۋ قۇرالدارىن، كيىم-كەشەك، اياق كيىم ساتىپ الۋعا كومەك كورسەتىلۋدە. ۇستىمىزدەگى جىلى وبلىستاعى الەۋمەتتىك جاعدايى تومەن  وتباسىلارىنداعى 17 مىڭ بالانى قولداۋ ماقساتىنا  300 ميلليون تەڭگە باعىتتالادى، – دەگەن وبلىس اكىمى. 

وبلىستا ەپيدەميولوگيالىق جاعدايعا قاراماستان، مەكتەپتەردىڭ قۇرىلىسى توقتاعان جوق. بۇگىندە وبلىستا ءۇش اۋىسىممەن وقىتاتىن 12 مەكتەپ بار. 1 قىركۇيەككە دەيىن تسەلينوگراد اۋدانىندا 1500 ورىنعا ارنالعان ەكى جاڭا مەكتەپتى پايدالانۋعا بەرۋ جوسپارلانىپ وتىر. جىل سوڭىنا دەيىن اتالعان اۋداندا 420 ورىندىق تاعى ەكى مەكتەپ وقۋشىلارعا ەسىگىن اشپاقشى. كوكشەتاۋ قالاسىندا دا بىرقاتار مەكتەپتەردىڭ جانىنان سالىنىپ جاتقان قوسىمشا وقۋ عيماراتتارىنىڭ قۇرىلىسى بيىل اياقتالادى. وسىنىڭ بارلىعى مەكتەپتەردەگى ءۇش اۋىسىممەن وقىتۋ ماسەلەسىن شەشۋگە مۇمكىندىك بەرەدى.

سونىمەن قاتار، ەكى مەكتەپتى قايتا جاڭارتۋ جۇمىستارى اياقتالادى. بيىل جاڭا مەكتەپتەردىڭ سالىنۋىمەن قاتار، مەكتەپ عيماراتىنا كۇردەلى جوندەۋ جۇمىستارى دا قارقىندى جۇرگىزىلۋدە. ماسەلەن، «جۇمىسپەن قامتۋدىڭ جول كارتاسى» جانە «اۋىل – ەل بەسىگى» باعدارلاماسى اياسىندا وبلىستاعى 114 مەكتەپ جوندەۋدەن وتكىزىلۋدە. 

تاعى ءبىر ماسەلە، مەكتەپكە دەيىنگى مەكەمەلەردە كەزەكشى توپتار جۇمىس ىستەۋدە. بۇگىندە  89 مەكتەپكە دەيىنگى مەكەمەدە 244 كەزەكشى توپ اشىلعان. قوسىمشا ءبىلىم بەرۋ ۇيىمدارى دا ازىرشە قاشىقتىقتان جۇمىس ىستەۋدى جالعاستىرادى. الايدا، اتا-انانىڭ ءوتىنىشى بويىنشا ءداستۇرلى رەجيمدە وقىتۋعا رۇقسات ەتىلەدى. تەك، توپتاعى بالا سانى بەسەۋدەن اسپاۋى ءتيىس. وبلىس اكىمى قاشىقتىقتان وقىتۋ كەزىندە بالالارعا جانە اتا-انالارعا ارنايى ءبىلىم بەرۋ ۇيىمدارىندا ونلاين كەڭەستەر بەرىلەتىنىن ايتتى. جالپى، وبلىستا جاڭا وقۋ جىلىنا دايىندىق جۇمىستارى ودان ءارى جالعاسۋدا. 

 

اقمولا وبلىسى

   

سوڭعى جاڭالىقتار

انتاليادا اباي ساياباعى اشىلدى

رۋحانيات • بۇگىن، 12:00

اقسايدا سپورت مۋزەيى بار

ايماقتار • بۇگىن، 11:50

ەلىمىزدە تاعى 79 ادام ىندەت جۇقتىردى

كوروناۆيرۋس • بۇگىن، 09:10

تۇراقتى ديالوگتىڭ توركىنى

قوعام • بۇگىن، 08:33

كىندىك شەشە ءھام كىسى مىنەزى

رۋحانيات • بۇگىن، 08:30

ءبىر شاڭىراقتاعى قوس باتىر انا

ايماقتار • بۇگىن، 08:26

مباپپەگە كوز تىگىپ وتىر

فۋتبول • بۇگىن، 08:24

تۇرمەدە وتكەن توي

وقيعا • بۇگىن، 08:21

ءتورت جاسار «پوليتسەي»

ايماقتار • بۇگىن، 08:18

ونەردىڭ ەگىز ءورىمى

ونەر • بۇگىن، 07:58

ابىلاي حاننىڭ قارا جولى

رۋحانيات • بۇگىن، 07:54

كيەلى مەكەن – اقمەشىت

رۋحانيات • بۇگىن، 07:53

استىق باعاسى بەلگىلەندى

ەكونوميكا • بۇگىن، 07:35

بيداي مەن ۇن قايدا ەكسپورتتالادى؟

ەكونوميكا • بۇگىن، 07:34

ۇقساس جاڭالىقتار