ايماقتار • 13 تامىز، 2020

جامان تۇماۋمەن جاعالاسۋ كۇشەيمەك

41 رەت كورسەتىلدى

وبلىستا وكپەنى جاساندى جولمەن جەلدەتۋ قۇرىلعىلارىن شىعارۋ بىرتىندەپ قولعا الىندى. ءبىر ايتا كەتەرلىگى، تىنىس الۋ اپپاراتىن دايىنداۋمەن شۇعىلداناتىن كاسىپورىن جوعارى تەحنيكالىق كوللەدجىمەن بىرلەسىپ وسى جوبانى جۇزەگە اسىرۋدا. وقۋ ورنىنىڭ تەحنولوگ ماماندارى زاماناۋي اپپاراتتىڭ قاجەتتى بولشەكتەرىن وزدەرى قۇراستىرادى.

ىلكىمدى ىزدەنىس پەن جۇزەگە اسىرىلا­تىن جوبا شاراپاتى جالپاق جۇرت­تىڭ يگىلىگىنە جاراتىلاتىنى ءسوزسىز. وسى ورايداعى وقۋ ورنى ۇجىمىنىڭ تالپىنىسى كوڭىل دەمدەرلىك دەڭگەيدە.

– قازىر وكپەنى جاساندى جولمەن جەلدەتۋ اپپاراتىنىڭ بولشەكتەرىنە ارنالعان باعدار­لا­مانى دايىنداۋدامىز، – دەيدى وندىرىستىك وقىتۋ شەبەرى ءالي بۋزۋرتانوۆ، – بۇل بولشەك وتتەگىن ۇزدىكسىز جىبەرىپ تۇرۋعا ارنالعان اپپاراتقا ورناتىلادى. جاسالۋ مەر­زىمى كوپ ۋاقىت الا قويمايدى. نەبارى 40 مينۋت ىشىندە دايىن بولادى.

جامان تۇماۋ دۇمەپ، ەلدىڭ ەسىن العان كەزدە قاسقالداقتىڭ قانىنداي قات بولىپ كەتكەن قاجەتتى اپپاراتتىڭ وزىمىزدە دايىندالاتىنى قانداي جاق­سى. ەكىنشى جاعىنان وسىنداي اپپارات جاساۋ ءوز قولىمىزدان كەلەتىنى ەل سەنىمىن ۇستەپ وتىر.

– العاشقى بەتتە ون­دى­رىستىك قۋات ءسال شەك­تەۋ­لى بولدى. ىرگەدەگى پەترو­پا­ۆل قا­لا­سىن­داعى كاسىپ­ورىن­دار­دىڭ بى­رىنە قولقا سالدىق. كەيىن ءۇش بىردەي زاۋىت كومەككە كەلدى. كوپ بولىپ جۇمىلعاننىڭ ناتي­جە­سىن­دە جاساندى جولمەن جەلدەتۋ اپپاراتىنىڭ ەڭ نەگىزگى تەتىگى يگەرىلدى، – دەيدى ءوندىرىس ءبولىمىنىڭ باستىعى پەتر پيششۋر، – قالعانى وپ-وڭاي.

قازىر جەتپىسكە جۋىق جەلدەتۋ اپپاراتى شىعارىلعان. ەكى جارىم ايدىڭ ىشىندە زاۋىت 700-دەن استام قۇرىلعى شىعارىپ ۇلگەرىپتى. ەندى بۇل ورايدا وبلىس ەشكىمگە الاقان جايمايدى. ءوڭىردىڭ جامان تۇماۋمەن جاعالاسۋعا تولىق قاۋقارى بار.

 

كوكشەتاۋ

 

سوڭعى جاڭالىقتار

الىستان جەتكەن العىس

ايماقتار • بۇگىن، 14:10

ۇقساس جاڭالىقتار