ەڭبەك جانە حالىقتى الەۋمەتتىك قورعاۋ ۆيتسە-ءمينيسترى (بۇدان ءارى – ەڭبەكمينى) ەرلان اۋكەنوۆتىڭ توراعالىعىمەن وتكەن شاراعا شىعىس قازاقستان وبلىسى اكىمىنىڭ ورىنباسارى (بۇدان ءارى – شقو) الىشەر مارحابات, پرەزيدەنت اكىمشىلىگىنىڭ وكىلدەرى, پارلامەنت ءماجىلىسىنىڭ دەپۋتاتتارى, بەيىندى مەملەكەتتىك جانە جەرگىلىكتى اتقارۋشى ورگانداردىڭ قىزمەتكەرلەرى, بالا قۇقىقتارى جونىندەگى ومبۋدسمەن, ۇكىمەتتىك ەمەس ۇيىمداردىڭ وكىلدەرى قاتىستى.
كەزدەسۋ بارىسىندا پرەزيدەنت اكىمشىلىگى مەن ۇكىمەت كوميسسيالارى اياگوز ورتالىعىندا جۇرگىزگەن تەكسەرۋدىڭ ناتيجەلەرى جاريالاندى.
تەكسەرۋلەر ناتيجەلەرى ورتالىقتا ارنايى الەۋمەتتىك قىزمەتتەردى كورسەتۋ ستاندارتتارىنىڭ تولىق ساقتالۋى بولىگىندە بىرقاتار زاڭبۇزۋشىلىقتار بولعانىن جانە دە مەكەمە باسشىلىعى تاراپىنان بۇل باعىتتا ءتيىستى باقىلاۋ جاسالماعانىن كورسەتتى.
مەديتسينالىق ساراپتاما بالالار اۋرۋحانادا نەگىزگى جانە قاتار جۇرەتىن اۋرۋلاردىڭ, سونىڭ ىشىندە اۋىر تۋا بىتكەن پاتولوگيالاردىڭ سالدارىنان قايتىس بولدى دەگەن قورىتىندىنى ايقىندادى.
شىعىس قازاقستان وبلىسىنىڭ جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ باسشىسى جاسۇلان سارسەباەۆتىڭ ايتۋىنشا, اكىمدىك زاڭبۇزۋشىلىقتاردى جويۋ ءۇشىن شۇعىل شارالار قابىلدادى. 2 عيماراتتى جوندەۋگە, بالالار الاڭدارىن اباتتاندىرۋعا 139,5 ملن تەڭگە ءبولىندى. ەدش ءۇشىن ترەناجەرلاردى, مونيتورلاردى, كوپفۋنكتسيونالدى كەرەۋەتتەردى ساتىپ الۋعا, «بۇلتتى» ساقتاۋى بار قوسىمشا بەينەكامەرالاردى ورناتۋعا قوسىمشا 46,9 ملن تەڭگە قوسىمشا قاراستىرىلعان. ورتالىق قىزمەتكەرلەرىنىڭ بىلىكتىلىگىن ارتتىرۋعا 3,5 ملن تەڭگە ءبولىندى.
سونىمەن قاتار, قازىرگى ۋاقىتتا ورتالىقتا تاعى ءبىر تۇرعىن جاي قۇرىلىسىنىڭ جوبالىق-سمەتالىق قۇجاتتاماسى جاسالۋدا. جاڭا عيمارات ليفتىمەن, ءپاللياتيۆتى توپ ءۇشىن ۇيىقتايتىن بولمەلەرمەن, مەديتسينالىق بەكەتتەرمەن, ويىن بولمەسىمەن جانە اسحانامەن جابدىقتالادى. ەسكى كورپۋستا الاڭداردى بوساتۋعا بايلانىستى قوسىمشا كابينەتتەر مەن زالدار (ەدش, سپورتزال جانە ت.ب.) ورنالاستىرىلاتىن بولادى.
سونداي-اق, مەكەمەدە كادرلىق وزگەرىستەر بولدى. ورتالىقتا ديرەكتور مەن مەديتسينالىق بولىمشە مەڭگەرۋشىسى قىزمەتىنەن بوساتىلدى. ديرەكتور قىزمەتىنە 20 جىلدىق تاجىريبەسى بار, بۇرىن وبلىستىڭ باس پەدياترى قىزمەتىن اتقارعان پەدياتر-دارىگەر تاعايىندالدى. شىعىس قازاقستان وبلىسى اكىمدىگىنىڭ جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسى ورتالىقپەن جۇمىس ءبولىمىنىڭ باستىعى تارتىپتىك جاۋاپكەرشىلىككە تارتىلىپ, اياگوز اۋرۋحاناسىنىڭ باس پەدياترىنا قاتاڭ سوگىس جاريالاندى. ورتالىق قۇرامىندا گوسپيتال ەپيدەميولوگى شتاتى اشىلدى.
ەڭبەكمينى شىعىس قازاقستان وبلىسى اكىمدىگىنىڭ تۇيتكىلدى ماسەلەلەردى شەشۋگە ساپالى تۇرعىدا كۇش سالعانىن اتاپ ءوتتى.
كەزدەسۋ بارىسىندا قر ەڭبەكمينى ەڭبەك, الەۋمەتتىك قورعاۋ جانە كوشى-قون كوميتەتى توراعاسىنىڭ ورىنباسارى اسقار ايماعامبەتوۆ ۆەدومستۆوارالىق ۇيلەستىرۋدى كۇشەيتۋ ماقساتىندا جۇمىسپەن قامتۋدى ۇيلەستىرۋ جانە الەۋمەتتىك باعدارلامالار, دەنساۋلىق ساقتاۋ, ءبىلىم بەرۋ باسقارمالارىنىڭ جانە مەديتسينالىق باقىلاۋ قىزمەتتەرىنىڭ بىرلەسكەن بۇيرىعى قابىلدانعانىن جەتكىزدى.
سونىمەن قاتار, ەڭبەكمينى كارانتيندىك شەكتەۋ شارالارى الىنىپ تاستالعاننان كەيىن ەلىمىزدەگى ستاتسيونارلىق سيپاتتاعى بارلىق 136 مەملەكەتتىك ءمام-گە قىزمەت الۋشىلاردىڭ قۇقىقتارى مەن مۇددەلەرىنىڭ ساقتالۋى بويىنشا كەشەندى تەكسەرۋ جۇرگىزۋ باستاماسىن كوتەردى.
سونداي-اق, ەڭبەكمينى مەديتسينالىق-الەۋمەتتىك مەكەمەلەردەگى كورسەتىلەتىن قىزمەتتەردىڭ ساپاسىن ارتتىرۋ, ولاردىڭ قىزمەتىنىڭ اشىقتىعى مەن ترانسپارەنتتىلىگىن قامتاماسىز ەتۋ بويىنشا 22 ۇسىنىس ازىرلەپ, اكىمدىكتەرگە جىبەردى. بۇگىنگى تاڭدا ءمام جانىنان قوعامدىق كەڭەستەر قۇرۋ, ءمام بيۋدجەتتەرىن اشىق تۇردە جاريالاۋ, الەۋمەتتىك جەلىلەردە پاراقشالار قۇرۋ, قامقورلىقتاعى جانداردىڭ ينتەرنەتكە قولجەتىمدىلىگىن قامتاماسىز ەتۋ جانە تاعى باسقا بىرقاتار ۇسىنىستار ورىندالدى. قوعامدىق كەڭەستەردىڭ قۇرامىنا قامقورلىقتاعىلاردىڭ تۋىستارى مەن جاقىندارى, سالالىق ساراپشىلار, اكىمدىكتەر جانىنداعى قوعامدىق كەڭەستەردىڭ مۇشەلەرى جانە ۇەۇ وكىلدەرى كىردى, ولار قىزمەت الۋشىلاردىڭ قۇقىقتارىنىڭ ساقتالۋىن جانە قاراجاتتىڭ جۇمسالۋىن باقىلايدى.
قازىرگى ۋاقىتتا يۋنيسەف جانە قر تۇڭعىش پرەزيدەنتى – ەلباسى قورى جانىنداعى «قامقورلىق قورى» كورپوراتيۆتىك قورىمەن بىرلەسىپ, 11 مىڭنان استام الەۋمەتتىك قىزمەتكەرلەردى ودان ءارى وقىتا وتىرىپ, تەستىلەۋ وتكىزۋگە دايىندىق باستالدى, بۇل ولاردىڭ ءبىلىمى مەن بىلىكتىلىگىنىڭ دەڭگەيىن ارتتىرۋعا مۇمكىندىك بەرەدى. الەۋمەتتىك قىزمەتكەرلەردىڭ ەتيكالىق پرينتسيپتەرى مەن مىنەز-قۇلقىنىڭ نەگىزگى ستاندارتتارىن انىقتايتىن الەۋمەتتىك قىزمەتكەرلەردىڭ مىنەز-ق ۇلىق ەتيكاسىنا ارنالعان ادىستەمەلىك ۇسىنىستاردىڭ جوباسى جاسالدى.
ايتا كەتەيىك, ەڭبەكمينى جەرگىلىكتى اتقارۋشى ورگاندار مەن ۇكىمەتتىك ەمەس ۇيىمداردان ءمام قىزمەتىن جەتىلدىرۋ بويىنشا ۇسىنىستار جينادى بيىل ەڭبەكمينى حالىققا الەۋمەتتىك قىزمەت كورسەتۋدى جاقسارتۋعا باعىتتالعان بىرقاتار تۇجىرىمدامالىق قۇجاتتاردى ازىرلەۋدى جوسپارلاپ وتىر: قازاقستاندا الەۋمەتتىك قىزمەت جۇيەسىن ودان ءارى جاڭعىرتۋدىڭ 2025 جىلعا دەيىنگى ۇلتتىق ءىس-قيمىل جوسپارى, الەۋمەتتىك قىزمەتكەرلەرگە ۇزدىكسىز ءبىلىم بەرۋدىڭ تۇجىرىمدامالىق تاسىلدەرى, وتباسى جاعدايىن انىقتاۋ ادىستەمەسى جانە «الەۋمەتتىك قىزمەتكەردىڭ الەۋمەتتىك مارتەبەسى تۋرالى» زاڭنىڭ تۇجىرىمداماسى.
