اباي • 10 تامىز، 2020

الماتىدا "ابايعا ورالۋ" اتتى ونلاين كونتسەرت ءوتتى

41 رەت كورسەتىلدى

الماتىداعى قازاق ۇلتتىق قىزدار پەداگوگيكالىق ۋنيۆەرسيتەتىنىڭ "Ular" ەتنو-فيۋجن ءانسامبلى "ابايعا ورالۋ" اتتى ونلاين كونتسەرت وتكىزدى، - دەپ حابارلايدى Egemen.kz.

"10 تامىز – اباي كۇنىنە ورايلاستىرىلىپ ۇيىمداستىرىلعان شارادا ونەرپازدار ۇلى اقىن ءھام ويشىلدىڭ كوپشىلىككە تانىمال، شوقتىعى بيىك مۋزىكالىق شىعارمالارىن ورىندادى. ولاردىڭ قاتارىندا ابايدىڭ "كوزىمنىڭ قاراسى..."، "ايتتىم سالەم، قالامقاس" سىندى اندەرى مەن "جەلدىرمە"، "تورجورعا" سياقتى كۇيلەرى بار"، – دەپ اتاپ ءوتتى وقۋ ورنىنىڭ ءباسپاسوز قىزمەتىنىڭ جەتەكشىسى جاندار اسان.

ونلاين كونتسەرتتە ورىندالعان تۋىندىلار قىزدار ۋنيۆەرسيتەتىنىڭ الەۋمەتتىك جەلىدەگى رەسمي پاراقشالارى ارقىلى كوپشىلىك نازارىنا ۇسىنىلدى.

ايتا كەتەيىك، "Ular" ەتنو-فيۋجن ءانسامبلى 1987 جىلى قۇرىلعان. 30 جىلدان استام ۋاقىت بويى قازاق مۋزىكالىق شىعارماشىلىق ونەرىن جاڭعىرتۋعا ۇلەس قوسىپ كەلە جاتقان بۇل ونەر ۇجىمى سونداي-اق ۇلتتىڭ ۇمىت بولا باستاعان كوپتەگەن مۋزىكالىق اسپاپتارىن قايتا جانداندىردى.

ونەرسۇيەر قاۋىمنىڭ ىستىق ىقىلاسىنا يە بولعان انسامبل قىتاي، موڭعوليا، تۇركيا، رەسەي، وزبەكستان جانە تاعى دا باسقا الىس-جاقىن شەت ەلدەردە گاسترولدىك ساپارلار جاساپ، قازاق ونەرىن ناسيحاتتاۋعا زور سەپتىگىن تيگىزدى.

سوڭعى جاڭالىقتار

تاعى ءبىر اكىم قىزمەتىنەن كەتتى

ايماقتار • بۇگىن، 18:06

مەننيدىڭ تاعى ءبىر مارتتىگى

كاسىپقوي بوكس • بۇگىن، 16:32

ۇقساس جاڭالىقتار