قوعام • 06 تامىز، 2020

پاۆلودار وبلىسىنىڭ كاسىپورىندارىندا يندۋستريا 4.0 ەلەمەنتتەرى ەنگىزىلەدى

5 رەت كورسەتىلدى

بۇگىن يندۋستريا جانە ينفراقۇرىلىمدىق دامۋ مينيسترلىگىنىڭ باستاماسى بويىنشا ۆيتسە-ءمينيسترى دينارا ششەگلوۆانىڭ توراعالىعىمەن شىعىس قازاقستان وبلىسىنىڭ ونەركاسىپتىك كاسىپورىندارىندا يندۋستريا 4.0 ەلەمەنتتەرىن ەنگىزۋ ماسەلەلەرى بويىنشا ونلاين-جينالىس ءوتتى، دەپ حابارلادى مينيسترلىكتىڭ ءباسپاسوز قىزمەتى.

!س-شارا شىعىس قازاقستان وبلىسى اكىمدىگىنىڭ وكىلدەرى، وبلىستىڭ ونەركاسىپ كاسىپورىندارى، «يننوۆاتسيالىق تەحنولوگيالار پاركى» دەربەس كلاستەرلىك قورى، «QazIndustry «قازاقستاندىق يندۋستريا جانە ەكسپورت ورتالىعى» اق وكىلدەرىنىڭ قاتىسۋىمەن ءوتتى.

«تسيفرلىق قازاقستان» مەملەكەتتىك باعدارلاماسى شەڭبەرىندە پاۆلودار وبلىسىندا 6 ونەركاسىپتىك كاسىپورىن («قازاقستان ءاليۋمينيى» اق، «قازحروم» تۇك اق، «بوگاتىر كومىر» جشس، «ERG Service» اق، «پرومماشكومپلەكت» جشس، «پمحز» جشس) سوماسى 3 121 ملن تەڭگەگە 10-نان استام تسيفرلىق جوبانى ىسكە اسىرۋدا. 782 ملن تەڭگە سوماسىنا 4 جوبا ىسكە اسىرىلدى.

سونداي-اق د. ر. ششەگلوۆا مينيسترلىكتىڭ ونەركاسىپتىك وبەكتىلەردى تسيفرلاندىرۋعا باعىتتالعان كەيبىر باستامالارى تۋرالى قىسقاشا ايتىپ بەردى:

- «يتپ» دكق جانە «QazIndustry» اق بىرلەسىپ قۇرىلعان تەحنولوگيالىق پلاتفورمانىڭ كومەگىمەن وتاندىق ونەركاسىپتىك جانە ات كاسىپورىندارىن قولداۋدىڭ ەكوجۇيەسىن قۇرۋ قاجەتتىلىگى;

- ونەركاسىپتى تسيفرلاندىرۋ جانە يندۋسترياعا 4.0 كوشۋ ءۇشىن جاعداي جاساۋ بويىنشا نەگىزگى قادامداردى انىقتاۋ;

«تسيفرلىق قازاقستان» مەملەكەتتىك باعدارلاماسىنا ەنگىزۋ ءۇشىن كاسىپورىنداردى تسيفرلاندىرۋ بويىنشا ۇسىنىستار.

تالقىلاۋ بارىسىندا مەملەكەتتىك باعدارلاماعا ەنگىزۋ ءۇشىن كاسىپورىنداردى تسيفرلاندىرۋ بويىنشا ۇسىنىستار ەنگىزۋگە بايلانىستى كوپتەگەن پراكتيكالىق ماسەلەلەر بويىنشا جان-جاقتى پىكىر الماسىلدى. جينالىستىڭ قاتىسۋشىلار ونەركاسىپتىك كاسىپورىنداردىڭ وسى ۇدەرىسىندەگى ايقىنداۋشى ءرولىن اتاپ ءوتتى.

جينالىس بارىسىندا تاراپتار بارلىق مۇددەلى تاراپتاردىڭ قاتىسۋىمەن وسىنداي جۇمىس فورماتى پىكىر الماسۋدىڭ جانە ونەركاسىپتى تسيفرلاندىرۋ دەڭگەيىن ارتتىرۋ جانە يندۋستريا 4.0-گە كوشۋ ماسەلەلەرى بويىنشا بىرىڭعاي ۇستانىمدى ازىرلەۋدىڭ ءتيىمدى ءتاسىلى بولىپ تابىلاتىنىن اتاپ ءوتتى، سونداي-اق وسى باعىتتاعى جۇمىستى جالعاستىرۋعا كەلىستى.

سوڭعى جاڭالىقتار

ۇقساس جاڭالىقتار