ايماقتار • 29 شىلدە، 2020

ەلورداداعى قارتتار ۇيىنە گۋمانيتارلىق كومەك جەتكىزىلدى

22 رەت كورسەتىلدى

مەكەمەدەگىلەرگە ماسكالار، انتيسەپتيكتەر مەن قولعاپتار تاراتىلدى، دەپ حابارلايدى ەلوردا اكىمدىگىنىڭ رەسمي سايتى.

بۇگىن "دوبرو-سوسەدستۆو" اكتسياسى اياسىندا قازاقستان جاستارى كونگرەسسى مەن الەۋمەتتىك قىزمەت كورسەتۋ ورتالىعى "شاراپات" قارتتار ۇيىنە رەسەيدەن گۋمانيتارلىق جۇك جەتكىزى. ونىڭ ىشىندە ماسكالار، قولعاپتار، انتيسەپتيكتەر، تەرمومەترلەر، تونومەترلەر، ينگالياتورلار جانە باسقا دا جەكە قورعانۋ قۇرالدارى بار.

ەستەرىڭىزگە سالا كەتەيىك، رەسەيدىڭ "دوبرو-سوسەدستۆو" كوممەرتسيالىق ەمەس ۇيىمدارىنىڭ قوعامدىق باستاماسى اياسىندا قازاقستانعا COVID-19-بەن كۇرەسۋدە كومەك كورسەتىلەدى. 13 شىلدەدەن باستاپ قازاقستان قالالارىنا COVID-19-بەن كۇرەسۋ ءۇشىن گۋمانيتارلىق جۇكتەر جىبەرىلدى: 150 مىڭ ماسكا، 25 مىڭ قولعاپ، 3 مىڭ انتيسەپتيك، 300 تەرمومەتر، 100 تونومەتر، 50 ينگالياتور جانە باسقا دا جەكە قورعانۋ قۇرالدارى. جۇكتىڭ جالپى قۇنى 1،5 ملن رۋبلدەن نەمەسە 8،6 ملن تەڭگەدەن استام.

"وسىعان بايلانىستى ءبىز، ۇكىمەتتىك ەمەس سەكتور، كۇش-جىگەرىمىزدى بىرىكتىرىپ، كومەك كورسەتۋدى شەشتىك. "دوبرو-سوسەدستۆو" اكتسياسى اياسىندا قازاقستان جاستار كونگرەسسى وڭىرلەرگە جۇكتەردى قابىلداپ، جەتكىزۋدى جۇزەگە اسىرادى. جۇك نۇر-سۇلتان، الماتى، قوستاناي، كوكشەتاۋ، پەتروپاۆل، شىمكەنت جانە ورال قالالارىنا جەتكىزىلەدى. بۇگىن "شاراپات" الەۋمەتتىك قىزمەت كورسەتۋ ورتالىعى مەن قارتتار ۇيىنە 15 مىڭ ماسكا، 400 انتيسەپتيك جانە مىڭ قولعاپ جەتكىزىلدى. سونىمەن قاتار، مەكەمەدەگىلەرگە قاجەتتى ءدارى-دارمەكتەردى دە اكەلدىك. مۇنداي كومەك جالعاساتىن بولادى. بۇعان دەيىن ءبىز گۋمانيتارلىق جۇكتى "نۇرلى جۇرەك" الەۋمەتتىك قىزمەت كورسەتۋ ورتالىعىنا، ء"ۇمىت" توموتەراپيا جانە يادرولىق مەديتسينا اۋرۋحانالىق كەشەنىنە، SOS بالالار ۇيىنە، سونداي-اق قيىن جاعدايعا تاپ بولعان ادامداردى قايتا الەۋمەتتەندىرۋ ورتالىعىنا تاراتقان بولاتىنبىز"، – دەيدى قالالىق جاستار ساياساتى ماسەلەلەرى باسقارماسىنىڭ باسشىسى داۋلەت كارىبەك.

سوڭعى جاڭالىقتار

ۇقساس جاڭالىقتار