ايماقتار • 28 شىلدە، 2020

التاي كولگىنوۆ كوروناۆيرۋس بويىنشا ەلورداداعى احۋالدى باياندادى

33 رەت كورسەتىلدى

نۇر-سۇلتان قالاسىنىڭ اكىمى التاي كولگىنوۆ دەنساۋلىق ساقتاۋ ۇيىمدارىنا تۇسكەن سالماقتىڭ ەداۋىر ازايعانىن مالىمدەدى، - دەپ جازادى Egemen.kz

"جەدەل جاردەمگە جۇگىنۋ سانى تاۋلىگىنە 4300-دەن 1600-گە دەيىن، ياعني 3 ەسەگە تومەندەدى. كۆي بويىنشا جەدەل جاردەمگە جۇگىنۋ 500-دەن 73-كە دەيىن ازايدى. جالپى شاقىرۋلار سانى تاۋلىگىنە 3 مىڭنان 1000-عا دەيىن تومەندەدى. پنەۆمونيامەن جاتقان ازاماتتار سانى 45%-كە (1348 دەن – 746 عا دەىن) ازايدى. ستاتسيونارلاردىڭ جۇكتەمەسى 99%-تەن 45%-كە دەيىن تومەندەدى"، دەدى ا. كولگىنوۆ.

قالا اكىمىنىڭ ايتۋىنشا، اۋرۋحانالارعا قوسىمشا 500 ارنايى جابدىقدالعان توسەك ورىندار، 350 وتتەگى كونتسەنتراتتارىن، 150 فلۋومەتر جانە 2 كومپيۋتەرلىك توموگراف الدىق. قوسىمشا تاعى دا مەديتسينالىق جابدىقتار ساتىپ الۋ جوسپارلانۋدا.

كومپيۋتەرلىك توموگراف ارقىلى تۇرعىنداردى تاۋلىك بويى تەكسەرۋ جۇرگىزىلۋدە. ناتيجەسىندە ستاتسيونارلارعا تۇسكەن سالماق ەداۋىر ازايدى.

"قالاداعى كوللەدجدەردەن 275 جاس مامان ەمحانالاردا جۇمىسقا ورنالاستى. مەديتسينالىق ۋنيۆەرسيتەتتەن 300 ستۋدەنت جۇمىلدىرىلدى. ولاردىڭ 71 جۇمىستارىن باستاپ كەتتى.
جالپى العاندا وقۋ ورىندارىنان 500-دەن استام جاس مەديتسينالىق ماماندار تارتۋدامىز. ولارعا ەلوردالىق دارىگەرلەرمەن بىردەي ەڭبەك جانە دەمالىس جاعدايى قاراستىرىلعان" ، دەدى التاي كولگىنوۆ.

سونداي-اق دارىحانالىق جەلىلەردىڭ ديستريبيۋتەرلەرىنە لوگيستيكا، ءدارى-دارمەكتەردى ساتىپ الۋ جانە قالاعا جەتكىزۋ راسىمدەرىن جەڭىلدەتۋ ماسەلەلەرى بويىنشا قولداۋ كورسەتىلۋدە. سونىمەن قاتار، ديستريبيۋتەرلەرگە ءدارى-دارمەكتەردى ساتىپ الۋ ءۇشىن اينالىم قاراجاتى ءبولىندى.

"12 شىلدەدەن باستاپ ەلورداعا تۇركيا، رەسەي، ءۇندىستان جانە باسقا دا ەلدەردەن سۇرانىسقا يە فارماكولوگيالىق توپتارعا كىرەتىن 110 توننادان استام مەديتسينالىق پرەپاراتتاردىڭ 4،5 ميلليون قاپتاماسى جەتكىزىلدى"، دەدى قالا اكىمى.

ءدارى-دارمەكتەر ءدارىحانالاردىڭ ءىرى جەلىلەرىنە تەڭدەي ءبولىنىپ جەتكىزىلدى، قازىرگى كۇنى شامامەن 1-ايعا جەتكىلىكتى قور قالىپتاستىرىلدى.


ء"بىر اپتا بۇرىن 3 اۋرۋحانا، اتاپ ايتقاندا: № 1 جانە 2 كوپسالالى قالالىق بالالار اۋرۋحاناسى، № 2 كوپسالالى اۋرۋحانا جوسپارلى مەديتسينالىق كومەك كورسەتۋدى باستاپ كەتتى.
پسيحكالىق دەنساۋلىق ورتالىعىنان كەشە سوڭعى پاتسيەنت جازىلىپ شىقتى. جاقىن كۇندەرى ورتالىق ءوز پاتسيەنتتەرىن جوسپارلى تۇردە قابىلدايدى. 3 تامىزدان باستاپ بارلىق كالالىق ەمحانالار جوسپارلى مەديتسينالىق كومەك كورسەتۋدى باستايدى. تامىزدىڭ 15-نە دەيىن بىرتىندەپ بوساپ جاتقان ستاتسيونارلار سانىن قىسقارتۋ ەسەبىنەن بارلىق اۋرۋحانالاردىڭ تولىق جۇمىس جاساۋىن قامتاماسىز ەتەمىز"، دەدى ەلوردا اكىمى.

سوڭعى جاڭالىقتار

چەمپيوندى تابا الماي جاتىر

سپورت • بۇگىن، 07:59

«ورداباسى» جەڭىسكە جەتتى

سپورت • بۇگىن، 07:58

بۋبليك – ءۇشىنشى كەزەڭدە

سپورت • بۇگىن، 07:57

IQanat قاناتتاندىرعاندار

ايماقتار • بۇگىن، 07:55

اۋىلداعى داۋىل

ايماقتار • بۇگىن، 07:47

ەت وتكىزەتىن نارىق كەرەك

ەكونوميكا • بۇگىن، 07:40

ەڭ باستىسى – ەڭبەك قاۋىپسىزدىگى

ەكونوميكا • بۇگىن، 07:37

بوزكىلەمدە – بۇرىمدىلار

سپورت • بۇگىن، 07:33

بەرگەن سەرتكە بەرىكتىك

قازاقستان • بۇگىن، 07:30

پيك پەن ميب-ءتىڭ «شايقاسى»

قازاقستان • كەشە

كولىكقۇمارلارعا ارنالدى

ەكونوميكا • كەشە

قىمبات ەم-دوم قولجەتىمدى

مەديتسينا • كەشە

ۇقساس جاڭالىقتار