بۇگىنگى كۇننىڭ كوكەيكەستى ماسەلەسىنىڭ ءبىرى – قورشاعان ورتانىڭ تازالىعىن قوزعاعان جيىندا ەكولوگيالىق ساۋاتتىلىق ماسەلەسىنە اسا ءمان بەرىلدى. "ادام اۋرۋلارىنىڭ قورشاعان ورتاداعى كەلەڭسىز وزگەرىستەرگە تىكەلەي نەمەسە جاناما تۇردە بايلانىستى ەكەنى بەلگىلى. بىراق حالىقتىڭ ناۋقاستانۋىنىڭ ەكولوگيالىق فاكتورلارى مەن سەبەپ-سالدارلارىنا ازىرگە ەلىمىزدە جەتكىلىكتى دەڭگەيدە نازار اۋدارىلماي وتىر.
ەكولوگيالىق ساۋاتسىزدىقتى جويۋ حالىق اراسىندا جۇرگىزىلەتىن ماڭىزدى ماسەلەگە اينالۋى ءتيىس. تابيعات پەن قورشاعان ورتانى قورعاۋدىڭ جولدارى جالپىحالىقتىق ەكولوگيالىق ساۋاتتى اشۋ, جاستارعا ۇزدىكسىز ءبىلىم بەرۋ ناتيجەسىندە عانا شەشىلەدى", - دەدى بالاەۆا.
مينيستر سوڭعى كەزدە بىرەگەي تابيعي ورىنداردا جاسالعان قاتىگەز جاعدايلار تابيعاتتىڭ كۇيرەۋىنە اكەلەتىنىن ايتتى. دوڭگەلەك ۇستەل وتىرىسىندا قوعام قايراتكەرى ارمان حايرۋللين 2021 جىلدى "ەكولوگيا جىلى" دەپ جاريالاۋ تۋرالى ۇسىنىس تاستادى.
قوعامدا قوردالانىپ قالعان ەكولوگيالىق ماسەلەلەر قىزۋ تالقىلانعان جيىندى قورىتىندىلاعان مينيستر ا.بالاەۆا: "تابيعات رەسۋرستارىن ءتيىمدى پايدالانۋدى, ونى قورعاۋدى ۇيىمداستىرۋ باعىتىندا كەشەندى ءتاسىل قاجەت. جەردىڭ سۇلۋلىعى مەن بايلىعىن قورعاۋدى جان-تانىمەن جاقتايتىن ادامدار مەن تابيعاتتى كەشەندى پايدالانۋ يدەياسىن ومىرگە ەنگىزۋ مەن اينالىساتىن مامانداردىڭ اراسىندا جەر مەن كوكتەي ايىرماشىلىق بار.
ءوزىمىز كۇندە كورىپ جۇرگەن سالاقتىق پەن نەمقۇرايدىلىق تا تابيعاتتى بارىنشا بۇلدىرەدى. سەرۋەنگە شىققاندا نەمەسە كوككە شىعىپ, دەمالىپ وتىرعان جەرگە قالدىرا سالاتىن ءار ءتۇرلى قالدىقتارعا كوز سۇرىنەتىن بولدى. ءسويتىپ, تابيعاتتى بۇلدىرەتىن ءوزىمىز. سوندىقتان, تەك مەكتەپتە عانا ەمەس, ءاربىر وتباسىدا ەكوتاربيە بولۋ كەرەك. ادام بالاسى تابيعات-اناسىز ءومىر سۇرە المايدى.
ەلدى مەكەن ماڭىنداعى اعاشتاردىڭ كەسىلۋى, بۇلاق كوزدەرى مەن وزەندەردىڭ لاستانۋى, كەيبىر اڭدار مەن قۇستاردىڭ جويىلۋى, بۇل - ەكولوگيالىق ماسەلە. بۇكىل ادامزات بالاسى بولىپ قورشاعان ورتانىڭ ەكولوگيالىق تازالىعىنا ءبىر مەزگىل كوڭىل بولسە, ءوزىمىزدىڭ جەر – انامىزدىڭ الدىنداعى ۇلكەن پارىزدىڭ ورىندالعانى بولار ەدى",-دەدى.
جيىن سوڭىندا, ا.بالاەۆا بۇگىنگى كوتەرىلگەن ورتاق ماسەلەلەردى شەشۋگە ۆەدومستۆولار مەن قوعامدىق ۇيىمداردىڭ اتسالىسۋىن ۇيلەستىرۋگە اقپارات جانە قوعامدىق دامۋ مينيسترلىگىنىڭ ءازىر ەكەنىن مالىمدەدى.
