قالانىڭ ونلاين-اكتيۆىندە ەلوردا اكىمى التاي كولگىنوۆ ا.قايساعاليەۆكە ۇلەستىك قۇرىلىس ماسەلەلەرىن شەشۋگە باعىتتالعان جۇمىسى, سۋ تاسقىنىنا قارسى ءىس-شارالاردى تابىستى وتكىزگەنى, "نۇر-سۇلتان — جايلى قالا" ماستەر-جوسپارى قاعيداتى بويىنشا قوعامدىق كەڭىستىكتەر مەن اۋلاىشىلىك اۋماقتاردى دامىتىپ, باسقا دا بىرقاتار ماڭىزدى مىندەتتەردى تابىستى ورىنداعانى ءۇشىن العىس ءبىلدىردى.
پرەزيدەنت اكىمشىلىگىمەن كەلىسە وتىرىپ اكىمنىڭ ورىنباسارى قىزمەتىنە 47 جاسار نۇرلان سولتامبەكوۆ تاعايىندالدى. ول 20 جىلدان استام ۋاقىت مەملەكەتتىك قىزمەتتە ەڭبەك ەتىپ كەلەدى. ماماندىعى — ينجەنەر-قۇرىلىسشى. ەڭبەك جولىن اعاش ۇستاسى تسەحىنىڭ شەبەرىنەن باستادى. ءار جىلدار بويى بىرقاتار باسقارمالاردا ءتۇرلى پوزيتسيالاردا ەڭبەك ەتتى. 5 جىل بويى ەلوردانىڭ كوممۋنالدىق شارۋاشىلىق باسقارماسى باسشىسىنىڭ ورىنباسارى لاۋازىمىندا جۇمىس ىستەدى. سوڭعى جىلدارى «نۇر-سۇلتان قالاسىنىڭ كولىك جانە جول-كولىك ينفراقۇرىلىمىن دامىتۋ باسقارماسىن»,«وتىن-ەنەرگەتيكا كەشەنى جانە كوممۋنالدىق شارۋاشىلىق باسقارماسىن» باسقاردى. مەريتوكراتيا قاعيداتىنا سايكەس باس ماماننان قالا باسشىسىنىڭ ورىنباسارىنا دەيىن قىزمەت اتقارعان. ەلوردا اكىمى جاڭا ورىنباسارىنىڭ الدىنا بىرقاتار مىندەت قويدى.
