ايماقتار • 27 شىلدە، 2020

نۇر-سۇلتاندا كارانتين تالاپتارىن بۇزعان ويىن-ساۋىق ورىندارى انىقتالدى

16 رەت كورسەتىلدى

سانيتاريا نورمالارىن ساقتاماعان كافەلەر مەن مەيرامحانالاردىڭ يەلەرىنە كوپ مولشەردە ايىپپۇل سالىنادى، دەپ حابارلايدى ەلوردا اكىمدىگىنىڭ رەسمي سايتى.

پوليتسەيلەر مەن نۇر-سۇلتان قالاسى اكىمدىگىنىڭ ءموبيلدى توبى كارانتين ءتارتىبىن بۇزۋشىلاردى انىقتاۋ بويىنشا كەزەكتى رەيد جۇرگىزدى. پاندەميا كەزىندە بىرقاتار مەكەمەلەردە سانيتاريا ەرەجەلەرى ساقتالمايتىنى انىقتالدى. سولاردىڭ ءبىرى – تۇران داڭعىلى، 2 مەكەن-جايىندا ورنالاسقان "اۋرا" كافەسى.

"جازعى تەرراسسادا قويىلعان 15 ۇستەلدىڭ بارلىعىندا كەلۋشىلەر بولدى. ولاردىڭ اراسىندا قاشىقتىق ساقتالماعان. كافە ىشىندەگى كاراوكەنىڭ ەكى كابيناسىندا دا ادامدار بولدى. ماسكا تاعۋ ءتارتىبى ساقتالماعان. جارلىققا سايكەس جۇمىس ۋاقىتى 22:00-گە دەيىن بولسا دا، كافە ساعات 23:00-دە ءالى جۇمىس جاساپ تۇر"، – دەيدى نۇر-سۇلتان اكىمدىگىنىڭ ازاماتتىق قورعانىستى قامتاماسىز ەتۋ ورتالىعىنىڭ باس مامانى جەڭىس كاماليەۆ. مەكەمە يەلەرىنەن جازباشا تۇسىنىكتەمە الىندى.

"اتالعان فاكتى بويىنشا جەرگىلىكتى پوليتسيا قىزمەتكەرلەرى اۋداندىق سەس باسقارماسىنا حابارلاما جىبەردى. "حالىقتىڭ سانيتارلىق-ەپيدەميولوگيالىق سالاۋاتتىلىعى سالاسىنداعى زاڭناما تالاپتارىن، سونداي-اق گيگيەنالىق نورماتيۆتەردى بۇزۋ" بابى بويىنشا ءتيىستى شارالار قابىلدانادى"، – دەدى ءموبيلدى توپتاردىڭ ۇيلەستىرۋشىسى امان وسپانوۆ.

باپتىڭ سانكتسيالارى ۇلكەن ايىپپۇل سالۋدى قاراستىرادى. جاۋاپتى تۇلعالار بيزنەس يەلەرى مەن كەلۋشىلەردى بارلىق قوعامدىق ورىنداردا سانيتاريا نورمالارىن قاتاڭ ساقتاۋعا شاقىرادى: سانيتايزەرلەردى قولدانىپ، ماسكا تاعۋ، قاشىقتىق ساقتاۋ كەرەك. ايتا كەتەيىك، وتكەن اپتادا نۇر-سۇلتاندا پوليتسيا قىزمەتكەرلەرى، ەپيدەميولوگتار، ەرىكتىلەر، جەرگىلىكتى اتقارۋشى ورگانداردىڭ وكىلدەرىنەن تۇراتىن ءموبيلدى توپتار 227 كارانتين ءتارتىبىن بۇزۋشىلىقتى انىقتادى. ونىڭ ىشىندە ماسكا تاعۋ جانە الەۋمەتتىك قاشىقتىق ساقتاۋدىڭ مىندەتتى تالاپتارىن بۇزۋ – 146 بولسا، تىيىم سالىنعان ۋاقىتتا قىزمەتىن جۇزەگە اسىرعان 81 كاسىپكەرلىك سۋبەكتى كارانتين تالاپتارىن بۇزعان.

سوڭعى جاڭالىقتار

چەمپيوندى تابا الماي جاتىر

سپورت • بۇگىن، 07:59

«ورداباسى» جەڭىسكە جەتتى

سپورت • بۇگىن، 07:58

بۋبليك – ءۇشىنشى كەزەڭدە

سپورت • بۇگىن، 07:57

IQanat قاناتتاندىرعاندار

ايماقتار • بۇگىن، 07:55

اۋىلداعى داۋىل

ايماقتار • بۇگىن، 07:47

ەت وتكىزەتىن نارىق كەرەك

ەكونوميكا • بۇگىن، 07:40

ەڭ باستىسى – ەڭبەك قاۋىپسىزدىگى

ەكونوميكا • بۇگىن، 07:37

بوزكىلەمدە – بۇرىمدىلار

سپورت • بۇگىن، 07:33

بەرگەن سەرتكە بەرىكتىك

قازاقستان • بۇگىن، 07:30

پيك پەن ميب-ءتىڭ «شايقاسى»

قازاقستان • كەشە

كولىكقۇمارلارعا ارنالدى

ەكونوميكا • كەشە

قىمبات ەم-دوم قولجەتىمدى

مەديتسينا • كەشە

ۇقساس جاڭالىقتار