Nur Otan پارتياسىنىڭ ساتباەۆ قالالىق فيليالى "ساتباەۆ جىلۋ - سۋمەن جابدىقتاۋ كاسىپورنى" جشس جانە پارتيا ارداگەرى قورعانباي قۇلشاريپوۆ بىرلەسىپ, تۋبەركۋلەزگە قارسى ديسپانسەرگە, ساتباەۆ قالاسىنداعى ورتالىق قالالىق اۋرۋحاناعا, مەديتسينالىق-سانيتارلىق بولىمگە 200 ليتر قىمىز, 50 كيلوگرامم ەت جەتكىزدى.
Nur Otan پارتياسى نۇرا اۋداندىق فيليالى "جەر" فحپت-مەن بىرلەسىپ 100 ليتر قىمىزدى نۇرا اۋدانىنىڭ ورتالىق اۋرۋحاناسىنا اكەلدى.
قاراعاندى وبلىسى ۇلىتاۋ اۋدانىنىڭ تۇرعىنى, شارۋا قوجالىعىنىڭ يەسى داۋرەن بايبولوۆ ءوز اۋدانىنىڭ ورتالىق اۋرۋحاناسىنا 200 كيلوگرامنان استام ەت, 30 ليتر قىمىز, 100 كيلوگرامنان استام كوكونىس پەن باسقا دا ازىق-ت ۇلىكتى ۇسىندى.
قاراعاندى وبلىسىنىڭ بۇقار جىراۋ اۋدانىندا پارتيانىڭ بەلسەندى مۇشەسى, اۋداننىڭ قۇرمەتتى ازاماتى, ايتىسكەر جانە اقىن ايتباي جۇماعۇلوۆ اۋداندىق اۋرۋحانالارعا ءوجج (يۆل) اپپاراتىن ساتىپ الدى. اپپارات جاقىن ارادا بوتاقارا كەنتىنىڭ اۋرۋحاناسىنا جەتكىزىلەدى.
Nur Otan پارتياسىنىڭ BizBirgemiz رەسپۋبليكالىق اكتسياسى جالعاسۋدا. كۇن سايىن اكتسياعا بەلسەندى پارتيالىقتار قاتىسىپ وتىر. سونىمەن قاتار, اكتسياعا قاراعاندى وبلىسىنىڭ مەتسەناتتارى, كاسىپكەرلەرى مەن ەرىكتىلەر قوزعالىسى بەلسەندى تۇردە قاتىسۋدا. بۇل اكتسيا ايماقتا كارانتين تولىق اياقتالعانعا دەيىن جالعاسادى.
كوروناۆيرۋسقا قارسى كۇرەس كەزىندە وتاندىق دارىگەرلەردى قولداۋ بويىنشا "دارىگەرلەرگە مىڭ العىس" اكتسياسى اياسىندا قاراعاندىلىق جاسوتاندىقتار "العىس پاكەتتەرىن" تابىس ەتتى.
اكتسيا قاراعاندى قالاسىنىڭ №1 كوپسالالى اۋرۋحاناسى بازاسىندا وتكىزىلدى. وندا كۇن سايىن 2 اۋىسىمدا 120-دان استام مەديتسينا قىزمەتكەرى ەڭبەك ەتەدى.
"العىس پاكەتى" مەديتسينا قىزمەتكەرلەرىنىڭ تىلەكتەرىن ەسكەرە وتىرىپ جاسالعان. ولار ىستىقتا كۇنى بويى ارنايى كوستيۋمدەر, ماسكالار مەن قولعاپتاردى كيىپ جۇرۋگە ءماجبۇر. اتالعان جيىنتىقتا وسى ىڭعايسىزدىقتاردى جەڭىلدەتۋ ءۇشىن بارلىق قاجەتتى نارسە بار. ءاربىر العىس پاكەتىنە قول كرەمى, ىلعالدى مايلىقتار, بال, ليمون, مينەرالدى سۋ, تابيعي سۋسىندار جانە باسقا دا ونىمدەر كىرەدى.
