قر ەگترم ەكولوگيا, گەولوگيا جانە تابيعي رەسۋرستار كوميتەتىنىڭ توراعاسى زۇلفىحار جولداسوۆ مەملەكەت باسشىسىنىڭ ستيحيالىق قوقىس ۇيىندىلەرىن جويۋ تۋرالى تاپسىرماسىن ورىنداۋدىڭ ماڭىزدىلىعىن اتاپ ءوتتى. ەسكە سالساق, بيىلعى 10 شىلدەدە ۇكىمەتتىڭ كەڭەيتىلگەن وتىرىسىندا قر پرەزيدەنتى قاسىم-جومارت توقاەۆ ءوزىنىڭ سويلەگەن سوزىندە قوعامدا بارعان سايىن كۇردەلەنىپ وتىرعان ەكولوگيالىق پروبلەمالاردى شەشۋدىڭ وزەكتىلىگىن جەتكىزدى.
"جىل سايىن 5 ملن توننادان اسا قاتتى تۇرمىستىق قالدىقتار شىعارىلادى. ولاردى وڭدەۋ كولەمى ەلىمىز بويىنشا تەك 15% عانا. بۇل جەتكىلىكسىز. ۇكىمەتكە جەدەل تۇردە زاڭنامالىق بازا ازىرلەپ, "Waste to energy" تەحنولوگياسىن ەنگىزۋ ءۇشىن قولايلى ينۆەستيتسيالىق جاعداي تۋعىزۋ قاجەت, - دەپ مالىمدەدى قاسىم-جومارت توقاەۆ.
ەسكە سالساق, وتكەن اپتادا ەكولوگيا مينيسترلىگى ءار وڭىردەگى ستيحيالىق ۇيىندىلەر تۋرالى ازاماتتاردان اقپارات جيناۋ ءۇشىن جەدەل جەلىنى ىسكە قوسقان بولاتىن. بۇگىندە 250-دەن اسا شاعىم كەلىپ ءتۇستى. شاعىمداردىڭ كوبى الماتى وبلىسىنداعى (40 شاعىم), الماتى قالاسىنداعى (اپتا ىشىندە 18 حابارلاما), اقتوبە, اقمولا جانە شىعىس قازاقستان وبلىسىندارىنداعى قوقىس ۇيىندىلەرى تۋرالى. ۇيىلگەن قوقىس تۋرالى ەڭ كوپ حابار بەرگەن قاراعاندى (15) جانە اقتوبە (14) وبلىسىنىڭ, سونداي-اق – الماتى قالاسىنىڭ (11) تۇرعىندارى.
ەكولوگيا مينيسترلىگى حابارلاعانداي, جىل باسىنان بەرى ونىڭ تاپسىرىسى بويىنشا قازاقستاننىڭ ءىرى قالالارى مەن ونىڭ 50 شاقىرىم اۋماعىنداعى ءوندىرىس جانە تۇتىنۋ قالدىقتارىنا عارىشتىق مونيتورينگ جۇرگىزدى. ناتيجەسىندە, بۇكىل ەل بويىنشا 7000-نان استام زاڭسىز قوقىس ورىندارى انىقتالدى. عارىشتىق مونيتورينگ كەزىندە مينيسترلىك وڭىرلەردەگى ۇيىندىلەردى جويۋدىڭ جاڭا كەستەسىن قۇرىپ, بەكىتۋ ءۇشىن اكىمدىكتەرگە جولدادى. بۇگىندە بۇلاردىڭ 18-ءى جويىلدى.
