"وكىنىشكە قاراي, قوعامدىق دەنساۋلىق ساقتاۋ سالاسىنداعى داعدارىستىڭ سالدارىنان 2021 جىلدىڭ 28 اقپانىنا دەيىن ءىرى قوعامدىق ءىس-شارالاردى وتكىزبەيتىنىمىزدى راستايمىن. مۇنداي شەشىم قابىلداۋ وڭاي بولمادى. الايدا, قالا تۇرعىندارىنىڭ, جۇمىسشىلار مەن تۋريستەردىڭ دەنساۋلىعى مەن قاۋىپسىزدىگى ءبىز ءۇشىن الدىڭعى ورىندا تۇرۋى ءتيىس", دەپ مالىمدەدى كەنني ءوزىنىڭ Twitter پاراقشاسىندا.
قالا مەرىنىڭ ايتۋىنشا, 50-دەن استام ادامنىڭ قاتىسۋىمەن وتەتىن ءىس-شارالارعا, سونىڭ ىشىندە فەستيۆالدەرگە, شەرۋلەرگە, كونتسەرتتەرگە, كارناۆالدارعا, جارمەڭكەلەرگە جانە بازارلاردا شوعىرلانۋىنا قاتاڭ تۇردە ساقتىق شارالارى قولدانىلادى.
سونداي-اق اشىق اسپان اياسىندا وتەتىن ءىس-شارالارعا قاتىستى قولدانىلمايتىنى ايتىلدى.
دجونس حوپكينس ۋنيۆەرسيتەتىنىڭ مالىمەتتەرى بويىنشا, اقش-تا كوروناۆيرۋستىڭ 3,4 ميلليونعا جۋىق دەرەگى تىركەلگەن, ونىڭ 136 مىڭنان استامى باقيلىق بولدى.
