15 شىلدە كۇنى نۇر-سۇلتاندا حالىق كوپ جينالاتىن ورىنداردا (ساياباق, سكۆەر, گۇلزار, جاعالاۋ جانە ت.ب.) اۋقىمدى دەزينفەكتسيا جۇرگىزىلەدى. دەزينفەكتسيا تاڭعى ساعات 6-7-دە باستالادى. وڭدەۋ كەزىندە قالا تۇرعىندارى ادامدار كوپ جينالاتىن ورىندارعا بارماعانى ءجون.
قالانى وڭدەۋگە كوممۋنالدىق سالا قىزمەتتەرىمەن بىرگە تجد مەن مامانداندىرىلعان كومپانيا قىزمەتكەرلەرى قاتىسادى. دەزينفەكتسيا جۇمىستارى جاياۋ جانە ارنايى ماشينالاردىڭ كومەگىمەن جۇرگىزىلەدى. قالالىق سانيتارلىق دارىگەردىڭ قاۋلىسىنا سايكەس, سوو, بازارلار, تد جانە باسقا دا كوپشىلىك جينالاتىن ورىندار باسشىلارى جۇمىس ورىندارىندا دەزينفەكتسيا جۇرگىزۋى ءتيىس.
قالادا بارلىعى 20 ميلليون شارشى مەتردەن استام اۋماقتا دەزينفەكتسيا جاسالدى. دەزينفەكتسيالاۋ تۇراقتى تۇردە جۇرگىزىلەدى. 5 شىلدەدەن 2 تامىزعا دەيىن ەلىمىزدە شەكتەۋ شارالارى ەنگىزىلدى. قالا تۇرعىندارى سانيتاريا نورمالارىن قاتاڭ ساقتاپ, ماسكا تاعىپ, انتيسەپتيك قولدانىپ, الەۋمەتتىك قاشىقتىق ساقتاۋى كەرەك.
