ەڭ قىسقا اڭگىمە • 15 شىلدە، 2020

تاريحي مۇرانى زەرتتەۋگە كىرىستى

12 رەت كورسەتىلدى

ۆولونتەر جىلى اياسىندا ەل جاستارى قايىرىمدىلىقتان بولەك مەملەكەتتىڭ تاريحي قۇندىلىقتارىن دارىپتەپ، وعان ۇلەس قوسىپ ءجۇر. «Birgemiz: Asyl Mura» جالپىۇلتتىق جوباسى شەڭبەرىندە جامبىل وبلىسى، جۋالى اۋدانى، باقالى اۋىلى ماڭىنداعى «جىلقىشى توبە» ارحەولوگيالىق قازبا ورنىنا ۆولونتەرلەر جۇمىلدىرىلدى.

عىلىمي-زەرتتەۋ جۇمىستارىن انىقتاي وتىرىپ، نىساندى قالپىنا كەلتىرۋ، اشىق اسپان استىنداعى ارحەولوگيالىق مۇراجاي اشۋ جانە ۇلى جىبەك جولىنىڭ سولتۇستىك تارماعى بويىندا ورنالاسقان ۇل­كەن تۋريستىك نىسان قۇرۋدى ماق­سات ەتكەن جوباعا بۇگىندە جۇز­­دە­گەن جالىندى جاستى تارتۋ قا­راس­تىرىلىپ وتىر. «Birgemiz: Asyl Mura» جالپىۇلتتىق جوباسى «جاس ۇلان» بىرىڭعاي بالالار مەن جاسوسپىرىمدەر ۇيىمى» رقب جاۋاپ­كەرشىلىگىندە.

سىرداريا مەن جۋالى القابىنىڭ ورتا اعىسى، ياعني جام­بىل وبلىسىنىڭ بارلىق جۋالى اۋدانى قاڭلىلاردىڭ بايىرعى يەلىكتەرى ەكەنى ءمالىم. مۇنى ار­حەولوگيالىق قازبالار دا  راستايدى، ناتيجەسىندە وسى وڭىردەن قاڭلى مادەنيەتىنىڭ وتە قىزىقتى جانە بىرەگەي نىسانى تابىلعان.

ارحەولوگيالىق جۇمىستارعا ءبىرىنشى بولىپ تاريح فاكۋلتەتىندە وقيتىن تۇركىستاندىق ستۋدەنتتەر باردى. ولار ءارى قاراي ارحەولوگيا­مەن اينالىسۋ ءۇشىن باعىت الىپ، تاجىريبە جينادى. قازىر نىساندا ەكىنشى توپ جۇمىس ىستەۋدە. جالپى العاندا، نىسانعا 3 ۆولونتەرلىك توپ بارادى دەپ جوسپارلانعان.

«ۆولونتەرلەردىڭ ارحەولوگيالىق عىلىمي-زەرتتەۋ جۇمىستارىنا قا­تىسۋى وتە ماڭىزدى، ۇلكەن جۇمىس. «Birgemiz: Asyl Mura» جالپىۇلتتىق جوباسى وتە ماڭىزدى جانە وزەكتى جوبا. ۆولونتەرلەر نەگىزىنەن جاستار، ستۋدەنتتەر. وسىنداي جوبالار ارقىلى جاستار قازاق حالقىنىڭ شىنايى تاريحى تۋرالى بىلەدى. وعان ءوز ۇلەستەرىن قوسادى. قازاقستانداعى قاڭلى تاريحىمەن بىرنەشە ارحەولوگ قانا اينالىسادى. ءبىزدىڭ ەكسپەديتسيا جاستارعا  ب.ە.د. ءىى عاسىردان باستاپ ۇلكەن ۋاقىت كەزەڭىن زەرتتەۋگە تۇرتكى بولماق»، دەيدى تارازدىق ارحەولوگ، ولكەتانۋشى، «قازگەوارحەولوگيا» جشس عىلىمي ۇيى­مى­نىڭ توراعاسى ەسكەندىربەك توربەكوۆ.

 

 

 

سوڭعى جاڭالىقتار

ۇقساس جاڭالىقتار