ەكونوميكا • 12 شىلدە، 2020

“قاراپايىم زاتتار ەكونوميكاسى” جوباسىنىڭ قارجىسى قايدا بولىنگەن؟

30 رەت كورسەتىلدى

ەلىمىزدە "قاراپايىم زاتتار ەكونوميكاسى" باعدارلاماسى ازىرلەنىپ، وتكەن جىلدىڭ اقپان ايىنان ىسكە اسا باستادى، دەپ حابارلايدى Egemen.kz.

بىراق، تۇرعىنداردىڭ كوبى ءوزىنىڭ جەكە بيزنەسىن باستاۋدى قالاسا دا، قايدا بارۋ كەرەكتىگىن بىلمەيدى.

ەگەر جەرگىلىكتى جەردەگى كاسىپكەرلىك پالاتاسىنا بارۋ كەرەكتىگىن بىلسە، بيزنەس-جوسپار جاساۋدان قارجى العانعا دەيىن كەڭەس الار ەدى.

ەكىنشىدەن، ەكىنشى دەڭگەيلى بانكتەردىڭ فيليالدارىنا بارىپ، زاڭدى تۇلعالارعا قىزمەت كورسەتۋ ءبولىمىنىڭ كومەگىنە جۇگىنەسىز. وسى ورايدا كەز كەلگەن بانكتىڭ قويار ىشكى تالاپتارى بارىن دا ەسكەرۋ كەرەك.

وسى كەزەڭنەن وتكەننەن كەيىن عانا "قاراپايىم زاتتار ەكونوميكاسى" باعدارلاماسىنىڭ تولىققاندى قاتىسۋشىسى اتانىپ، بيزنەس جوسپارىڭىزدى جۇزەگە اسىرا الادى.

باعدارلاما بارىسىندا تاماق ونىمدەرى، كيىم-كەشەك، ءدارى-دارمەك، قۇرىلىس ماتەريالدارى،جيھازدار شىعاراتىن كاسىپورىندارعا ءتيىمدى تەتىكتەردى پايدالانۋعا مۇمكىندىك بەرىلدى.

بۇل 6 پايىزدىق مولشەرلەمەمەن نەسيە الىپ، ونى كاسىپتى باستاۋعا، كەڭەيتۋگە، قارجى اينالىمىن تولتىرۋعا پايدالانۋ دەگەن ءسوز.

مىسالى، ءوڭىرىمءىزدە ءوتكەن جىلى جالپى قۇنى 14،7 ملرد. تەڭگە بولاتىن 66 جوبا ماقۇلدانعان.  

بىراق، 66 جوبانىڭ 57-ءسى مال باسىن كوبەيتۋ، اگروونەركاسىپتىك كەشەندى كەڭەيتۋ ماقساتىندا قارجىلاندىرىلعان.

ال، تاماق ءونىمدەرىن ءوندىرۋ، تۋريزم، كولىك، قۇرىلىس، جيھاز جاساۋ سياقتى باسقا دا سالالارعاقاتىستى جوبالار بولماعان.  

وكىنىشكە قاراي، قارجىنىڭ بارلىعى دەرلىك "ەڭبەك"، "سىباعا" سىندى باعدارلامالار ارقىلى اۋىل شارۋاشىلىعىنا ءبولىنگەن.

سونداي-اق، توتەنشە جاعداي رەجيمىندە كاسىپكەرلەردىڭ ءبىرازى قيىندىققا تاپ بولعانىن ەسكەرە كەلە، "قاراپايىم زاتتار ەكونوميكاسىنىڭ" كەپىلدەندىرۋگە قاتىستى باعىتىنا وزگەرىستەر دە ەنگىزىلدى.

بۇعان دەيىن قۇنى 3-5 ملرد. تەڭگەلىك جوبالاردىڭ 20 پايىزىنا كەپىلدىك بەرىلسە، ەندى 30 پايىزعا دەيىن كەپىلدىك بەرىلەتىنى حابارلاندى.

وبلىستىق كاسىپكەرلىك جانە ساۋدا باسقارماسىنىڭ باسشىسى جايىق حاسانوۆتىڭ ايتۋىنشا، بۇدان بىلاي كۇرىش وسىرەتىن، نان-توقاش، كونديتەرلىك ونىمدەردى پىسىرەتىن، جەڭىل مەتالل قۇرىلىمدارىن شىعاراتىن، كران، ليفتىلەر سياقتى كوتەرۋ قۇرالدارىن دايىندايتىن، اگروونەركاسىپتىك كەشەن سالاسىندا قايتا وڭدەۋمەن اينالىساتىن كاسىپورىندار دا باعدارلامانىڭ مۇمكىندىكتەرىن پايدالانا الادى.

بۇعان دەيىن اتالمىش باعىتتار وزگە باعدارلامالار اياسىندا از كولەمدەگى جەڭىلدەتىلگەن نەسيەلەر مەن قايتارىمسىز قارجىلاردى عانا الىپ كەلگەن ەدى.

- تۇرعىندار "قاراپايىم زاتتار ەكونوميكاسىنىڭ" تيىمدىلىگىن تۇسىنگەن بولۋى كەرەك، قاتىسۋعا نيەتتىلەر قاتارى ارتىپ كەلەدى. جىل باسىنان بەرى جالپى سوماسى 4،4 ملرد. تەڭگە بولاتىن 16 جوبا ماقۇلداندى. ەكىنشى دەڭگەيلى بانكتەردىڭ قاراۋىندا تاعى 20-دان استام جوبا بار. ودان بولەك، جوبالىق كەڭسە 193 جوبانى جان-جاقتى تالقىلاپ، ازىرلەۋدە، - دەيدى ج.حاسانوۆ.

بىراق، ماسەلەنىڭ ءبارى ءسوز ، ەسەپ  جۇزىندە عانا جاقسى سياقتى. ناقتى ءىس بارىسى ءالى بايقالمايدى.

 پاۆلودار وبلىسى

سوڭعى جاڭالىقتار

ۇقساس جاڭالىقتار