ايماقتار • 09 شىلدە، 2020

قايىرىمدىلىعىڭنىڭ ساۋابىن بەرسىن...

81 رەت كورسەتىلدى

سولتۇستىك قازاقستان وبلىسىندا ۇزاق جىلداردان بەرى استىق ءوسىرىپ، اۋىلشارۋاشىلىعى ونىمدەرىن شىعارۋمەن اينالىساتىن ءىرى كاسىپكەرلەردىڭ ءبىرى، "نوعايباي" جشس باس ديرەكتورى التىنبەك ساپاروۆ وبلىستىق اۋرۋحاناعا جامان ىندەتكە قارسى كۇرەسكە كومەك رەتىندە ءوز قاراجاتىنان 2،5 ملن تەڭگە سىيلادى، دەپ جازادى Egemen.kz

بۇل ازىرگە وبلىستاعى ەڭ ۇلكەن قايىرىمدىلىق كومەك. ارينە، وبلىستا ا.ساپاروۆتىڭ دەڭگەيىندەگى ءىرى كاسىپكەرلەر بارشىلىق، بىراق ولاردىڭ تاراپىنان ازىرگە كومەك قولى سوزىلعان جوق.  التىنبەك ساپاروۆ بۇعان دەيىن دە مەتسەناتتىق ىستەر جاساپ كەلەدى. اتاسى نوعايباي بيدەن بويىنا بىتكەن تەكتىلىك ونى قاراۋ باي ەمەس، جان-دۇنيەسى دە باي، جومارت جۇرەكتى جان قىلعانى سەزىلىپ تۇرادى. قازىرگى، "بويىنا تۇك بىتكەن سايىن قالتىرايتىن" تىشقان تىرلىكتى كۇيتتەيتىن بايلارداي ەمەس، ول قاراماعىنداعى جۇمىسكەرلەرىنە دە ۇلكەن كومەك كورسەتۋدە. ەڭبەكاقىلارىنان باسقا ازىق-ت ۇلىك، مالدارىنا جەم-ازىقتى تەگىن بەرىپ وتىرادى.

ول Nur Otan پارتياسىنان سايلانعان وبلىستىق ءماسليحاتتىڭ دەپۋتاتى. حالىق قالاۋلىسى رەتىندەگى مىندەتىن دە ادال اتقارىپ، وزىنە قايرىلعان سايلاۋشىلارىنا كومەگىن بەرىپ جۇرەدى. "وسىنداي قيىن زاماندا ءبىز جەرلەستەرىمىزدى قولداۋ ءۇشىن قولدان كەلگەن كومەگىمىزدى جاساۋىمىز كەرەك. مەن ءوزىم جۇقپالى دەرتتىڭ جانىندا ءجۇرىپ، الىسقان مەديتسينا قىزمەتكەرلەرىنە وتە ءتانتىمىن. سوندىقتان، اسىرەسە وسىنداي ازاماتتارىمىزعا قولداۋ ءبىلدىرۋىمىز كەرەك قوي دەپ ويلادىم"، دەيدى التىنبەك ساپاروۆ.

وبلىستىق اۋرۋحانا باسشىلارىنىڭ ايتۋىنا قاراعاندا بيزنەسمەن كومەك رەتىندە بەرگەن قاراجات COVID-19 ناۋقاسىنا ۇشىراعاندارعا ءدارى-دارمەكتەر الۋعا، جانە ناۋقاستارمەن تىكەلەي ارالاسىپ، ەمدەپ جۇرگەن مەديتسينا قىزمەتكەرلەرىنە سىياقى بەرۋگە جانە ىنتالاندىرۋعا جۇمسالاتىن بولادى. وسى اۋرۋحانا ماۋسىم ايىنان بەرى تەراپەۆتىك كورپۋسى كوروناۆيرۋسپەن جانە پنەۆمونيامەن اۋىراتىن ناۋقاستاردى انىقتاۋ جانە ەمدەۋ ءۇشىن پروۆيزورلىق ستاتسيونارعا اينالدىرعان بولاتىن. وعان دەيىن تەك ءبىرىنشى قالالىق اۋرۋحانا عانا ينفەكتسياعا جابدىقتالعان بولسا، ماۋسىمنان بەرى ول ناۋقاستاردى تولىق قامتۋعا قۋاتى جەتپەي قالدى.

سولتۇستىك قازاقستان وبلىسىندا قازىر كوروناۆيرۋستىق ينفەكتسيانى جۇقتىرۋدىڭ 1400-دەن استام جاعدايى تىركەلدى. ءوڭىردىڭ ينفەكتسيالىق جانە پروۆيزورلىق ستاتسيونارلارىندا 800-دەن استام توسەك بار.

 

سولتۇستىك قازاقستان وبلىسى

سوڭعى جاڭالىقتار

قحل: ۆيزا بەرمەي جاتىر

حوككەي • بۇگىن، 15:18

COVID-19 ادامنان يتكە جۇققان

كوروناۆيرۋس • بۇگىن، 14:15

قيىن كەزەڭ ارتتا قالدى - مينيستر

قازاقستان • بۇگىن، 11:14

ۇقساس جاڭالىقتار