كوروناۆيرۋس • 25 ماۋسىم، 2020

الماتىدا ەپيدەميولوگيالىق جاعداي كۇردەلى، بىراق باسقارۋعا بولادى – ك. نادىروۆ

99 رەت كورسەتىلدى

بۇگىن الماتى قالاسى وڭىرلىك كوممۋنيكاتسيالار قىزمەتىنىڭ الاڭىندا قالالىق قوعامدىق دەنساۋلىق باسقارماسىنىڭ باسشىسى كامالجان نادىروۆ مەگاپوليستەگى ەپيدەميولوگيالىق جاعدايعا قاتىستى جان-جاقتى باياندادى، - دەپ حابارلادى Egemen.kz.

ەپيدەميا باستالعاننان بەرى قالادا جالپى 3 530 جاعداي تىركەلسە، 2 178 ادام ساۋىعىپ، ەمدەلىپ شىقتى. قايتىس بولعاندار سانى – ­­ 23.

الدىمەن الماتىنىڭ باس دارىگەرى بۇگىندە قالا ستاتسيونارلارىندا 1 398 ناۋقاس ەمدەلىپ جاتقاندىعىن اتادى.

كامالجان نادىروۆتىڭ ايتۋىنشا، 19 ادامنىڭ ءحالى وتە ناشار جانە 173 ناۋقاستىڭ جاعدايى اۋىر. سول سياقتى جاعدايى ورتاشا  –1044 جانە قاناعاتتانارلىق جاعدايدا 162 ادام تىركەلىپ وتىر.

قازىرگى ۋاقىتتا قالا بويىنشا ستاتسيونارلار مەن العاشقى سانيتارلى-مەديتسينالىق كومەك كورسەتۋ ۇيىمدارىندا مەديتسينالىق كومەكتى ۇيىمداستىرۋ جۇمىستارى تولىققاندى جۇرگىزىلىپ جاتىر.

تەك وتكەن اپتادا اۋرۋحانالارعا جاتقىزۋ مەن جەدەل-جاردەم قىزمەتىنە قوڭىراۋ شالۋ سانى ەكى ەسە ارتقان بولاتىن.

ناۋقاستار سانىنىڭ ءوسۋى – قانت ديابەتى، جۇرەك اۋرۋلارى، ارتەريالدى گيپەرتەنزيا سياقتى اۋرۋلارى بار پاتسيەنتتەردىڭ كوبەيۋىمەن بايلانىستى دەگەن قورىتىندىعا كەلىپ وتىرمىز. سونداي-اق، اۋرۋدىڭ اۋىرلىعى مەن پاتسيەنتتەردىڭ جاس اراسىنداعى بايلانىس انىق بايقالادى، ياعني جاعدايى اۋىر جانە وتە اۋىر پاتسيەنتتەردىڭ 80%-دان استامىن 60-تان اسقاندار قۇرايدى.

تالداۋ 20-29 جاس ارالىعىنداعى ادامداردىڭ ەڭ ءجيى جۇقتىراتىنىن كورسەتەدى – 35% جۇقتىرعاندار، 60 جاستان اسقان ادامدار – 9%.

سونداي-اق، جالپى ديناميكادا دەرتى اۋىر جانە وتە اۋىر ءوتىپ جاتقان پاتسيەنتتەردىڭ كوبەيگەنى بايقالادى.

"الماتىدا ەپيدەميولوگيالىق جاعداي كۇردەلى، بىراق باسقارۋعا بولادى. قازىرگى ۋاقىتتا قالا بويىنشا ستاتسيونارلار مەن العاشقى سانيتارلى-مەديتسينالىق كومەك كورسەتۋ ۇيىمدارىندا مەديتسينالىق كومەكتى ۇيىمداستىرۋ جۇمىستارى تولىققاندى جۇرگىزىلىپ جاتىر.

تەك وتكەن اپتادا اۋرۋحانالارعا جاتقىزۋ مەن جەدەل-جاردەم قىزمەتىنە قوڭىراۋ شالۋ سانى ەكى ەسە ارتقان بولاتىن.

بۇگىنگى كۇنى وكپەنى جاساندى جەلدەتۋ اپپاراتتارىنا 11 ناۋقاس، وكپەنىڭ ءينۆازيۆتى ەمەس جاساندى جەلدەتۋگە – 15 ادام قوسىلدى"، – دەدى الماتىنىڭ باس دارىگەرى.

سوڭعى جاڭالىقتار

پاگانيني

ونەر • كەشە

وتىز جىلدىققا وي قورىتقان

قازاقستان • كەشە

ۇقساس جاڭالىقتار