ايماقتار • 19 ماۋسىم، 2020

شىمكەنتتە ۆولونتەرلەرگە ەلباسىنىڭ العىس حاتى تابىستالدى

37 رەت كورسەتىلدى

بۇگىن قالا كۇنىنە وراي شىمكەنت قالاسىنىڭ اكىمى، Nur Otan پارتياسى قالالىق فيليالىنىڭ توراعاسى مۇرات ايتەنوۆ كونفەرەنتسيالىق بايلانىس ارقىلى ۆولونتەرلەردى قۇتتىقتاپ، "Birgemiz" رەسپۋبليكالىق اكتسياسىنا بەلسەندى قاتىسقانداردى تۇڭعىش پرەزيدەنت − ەلباسىنىڭ العىس حاتىمەن ماراپاتتادى، دەپ حابارلايدى Egemen.kz
 

ۆولونتەرلەردىڭ كومەگىمەن "Birgemiz" اكتسياسى شەڭبەرىندە قالامىزدا بۇگىنگى كۇنگە دەيىن 107 ملن تەڭگە كولەمىندە 8500-گە جۋىق مۇقتاج وتباسىلارعا ازىق-ت ۇلىك ۇلەستىرىلىپ، جالعىزباستى قاريالارعا، ەرەكشە قاجەتتىلىكتەرى بار ازاماتتارعا جانە تۇرمىسى تومەن كوپبالالى وتباسىلارعا 1 ملن دانا ماسكا تەگىن تاراتىلدى.  
 
بۇدان بولەك، ۆولونتەرلار زارداپ شەككەن ماقتاارال اۋدانىنا 81 ملن-نان استام قارجىعا ازىق-ت ۇلىك، گيگيەنالىق زاتتار مەن كيىم-كەشەكتەر جانە تەحنيكا جونەلتۋگە قول ۇشىن سوزعان.  
 
"ۆولونتەر بولۋ – جۇرەكتىڭ ءىسى، ياعني شىنايى نيەتتىڭ كورىنىسى. سىزدەر قولعا العان جۇمىستاردىڭ بارلىعى ءدال وسىنداي مەيىرىمدىلىكتىڭ جارقىن ۇلگىسى ەكەنىنە كۇمانىمىز جوق. سىزدەرگە بارلىق باستامالارىڭىزعا ساتتىلىك، زور دەنساۋلىق، وتباسىلارىڭىزعا اماندىق تىلەيمىن"، دەدى پارتيا فيليالىنىڭ جەتەكشىسى.  
 
"بۇگىن مەنىڭ ارمانىم ورىندالدى! ەلباسى نۇرسۇلتان ءابىش ۇلى نازارباەۆتىڭ العىس حاتىمەن ماراپاتتالدىم! بۇل مەنىڭ ىندەت كەزىندەگى، اپپاتتار كەزىندەگى جانە جاستار ساياساتىنداعى 6 جىل بويى ەڭبەگىمنىڭ جەمىسى!" دەپ ەرىكتى جاسمين اشيموۆا جاستاردى بەلسەندىلىككە شاقىردى. 
 
كەزدەسۋ سوڭىندا پارتيالىقتار جاستار الداعى ۋاقىتتا دا ەل يگىلىگى مەن ەلىمىزدىڭ ءوسىپ وركەندەۋى جولىندا ايانباي ەڭبەك ەتەتىندىگىنە سەنىم ءبىلدىردى.
سوڭعى جاڭالىقتار

ۇقساس جاڭالىقتار