ساراپشىلاردىڭ باستى قورىتىندىسى - ەكولوگيا مينيسترلىگى مەن اكىمدىكتەر ارقىلى مەملەكەت تانىستىراتىن جانە ىسكە اسىراتىن ەرەكشە قورعالاتىن تابيعي اۋماقتاردى دامىتۋ ستراتەگيالارى مەن جوسپارلارى الەمدىك ستاندارتتارعا عانا ەمەس, سونىمەن قاتار تابيعي وبەكتىلەردى قورعاۋدىڭ ماڭىزدىلىعىنا دا سايكەس كەلمەيتىنىن العا تارتتى.
ء"بىز ەكوتۋريزم دەپ (ەكولوگيالىق تۋريزم) قورشاعان ورتانى قورعايتىن جانە جەرگىلىكتى حالىقتىڭ ءال-اۋقاتىن جاقسارتاتىن تابيعي اۋماقتارداعى جاۋاپتى ءتۋريزمدى (www.ecotourism.org) نەمەسە قورشاعان ورتانى قورعاۋدى, جەرگىلىكتى قوعامداستىقتاردى جانە تۇراقتى ساياحاتتاردى بىرىكتىرۋ دەگەن كلاسسيكالىق ايقىنداۋدى نەگىزگە الامىزي, - دەيدى ساراپتامالىق كەڭەستىڭ مۇشەلەرى.
"جاسىل قۇتقارۋ" ەق توراعاسى سەرگەي كۋراتوۆ ەكولوگيالىق تۋريزم دەپ قورشاعان ورتانى قورعايتىن جانە جەرگىلىكتى حالىقتىڭ ءال-اۋقاتىن جاقسارتاتىن تابيعي اۋماقتارداعى جاۋاپتى ءتۋريزمدى (www.ecotourism.org) نەمەسە قورشاعان ورتانى قورعاۋدى, جەرگىلىكتى قوعامداستىقتاردى جانە تۇراقتى ساياحاتتاردى بىرىكتىرۋ دەگەن كلاسسيكالىق ايقىنداۋدى نەگىزگە الاتىنىن ايتىپ ءوتتى.
"ىلە-الاتاۋ مۇتپ ورنالاسقان اۋماق الماتى اگلومەراتسياسىن ومىرلىك قاجەتتى ەكولوگيالىق قىزمەتتەرمەن قامتاماسىز ەتەتىن كۇردەلى ەكولوگيالىق جۇيە بولىپ تابىلادى. بۇگىنگى تاڭدا ۇلتتىق پاركتىڭ تابيعاتتى قورعاۋ جانە تۋريستىك مىندەتتەرى اراسىندا ايتارلىقتاي الشاقتىق بار, بۇل ويلاستىرىلماعان, اسىعىس جانە تابيعاتقا زيان كەلتىرەتىن شەشىمدەر قابىلداۋعا اكەلەدى", دەپ ايتىپ ءوتتى "جاسىل قۇتقارۋ" ەق توراعاسى سەرگەي كۋراتوۆ.
ەكو بەلسەندى ۆاديم ني ۇلتتىق پاركتەردە ۇزاق مەرزىمدى جالعا الۋعا ارنالعان تەندەرلەر جۇيەسىنىڭ ءوزى بىرنەشە جىلدان بەرى ساراپشىلار قاۋىمداستىعى تاراپىنان سىنعا ۇشىرايتىنىن, وسىعان بايلانىستى ەكوتۋريزمدى ىلگەرىلەتۋگە مۇددەلى كومپانيالاردا كوپتەگەن سۇراقتار تۋىندايتىنىن تىلگە تيەك ەتىپ ءوتتى. "رەكرەاتسيالىق جۇكتەمەلەردى, وبەكتىلەردى جايلاستىرۋ مەن پايدالانۋدىڭ قاتاڭ ەكولوگيالىق نورمالارىن ساقتاۋ بويىنشا ينۆەستورلاردىڭ جوبالارىنا ايقىن جانە ناقتى تالاپتار جوق", - دەيدى ول.
"كوك جايلاۋدى ساقتايىق" توبىنىڭ مۇشەلەرى تابيعي اۋماقتاردا ەكوتۋريزمنىڭ دامۋىنا قارسى ەمەس, بىراق ەڭ الدىمەن ۇلتتىق پارك اۋماعىندا ءتۋريزمدى باسقارۋدىڭ ءتيىمدى جۇيەسىن قۇرۋ قاجەت دەپ سانايدى.
تۋريزمگە تىكەلەي قاتىستى ماڭىزدى ماسەلەلەردىڭ ءبىرى رەكرەاتسيالىق جۇكتەمەنى ەسەپتەۋ جانە قۇقىقتىق ءتارتىپتى ساقتاۋ جانە قورعاۋ قىزمەتتەرىن (رەيندجەرلەردى) قۇرۋ (نىعايتۋ), بۇل قىزمەتكە ۇلتتىق پاركتەردە ءتارتىپ ەرەجەلەرىن بۇزعانى ءۇشىن كەلۋشىلەرگە ايىپپۇل سالۋ جانە جازالاۋ قۇقىقتارىن بەرۋ بولىپ تابىلادى. ۇلتتىق پاركتى باسقارۋ جۇيەسىن قۇرۋعا ساراپشىلىق قوعامداستىقتى جانە قۇزىرەتتى قوعامدى تارتىپ, قوعامدىق كەڭەستەردىڭ جۇمىسىنا قاتىسۋ مۇمكىندىگىن بەرۋ كەرەك.
