ARES حالىقارالىق رەيتينگىن 2011 جىلدان بەرى ەۋروپالىق عىلىمي-ونەركاسىپتىك پالاتاسى جۇرگىزىپ كەلەدى. بيىلعى جىلى وعان ەۋروپالىق ستاندارتتارعا قىزمەتى سايكەس كەلەتىن تمد ەلدەرىنىڭ 530-دان استام جوعارى وقۋ ورنى قاتىستى. ARES ناتيجەلەرىن الەمنىڭ جەتەكشى رەيتينگتىك اگەنتتىكتەرى نازارعا الادى.
ءوز كەزەگىندە قازۇۋ رەيتينگتە قازاقستاندىق جوعارى وقۋ ورىندارى اراسىندا كوشباسشى بولىپ قالۋدا, كورسەتكىشتەر بويىنشا ولاردى الدەقايدا وزىپ تۇر. ARES-ءتىڭ «AA+» باعاسىنا, سونداي-اق, لومونوسوۆ اتىنداعى ممۋ باستاعان رەسەيدىڭ 10 جەتەكشى ۋنيۆەرسيتەتى دە يە بولعان.
رەيتينگ جوعارى وقۋ ورىندارىن كەلەسى كورسەتكىشتەر بويىنشا سارالايدى: عىلىمي-يننوۆاتسيالىق قىزمەت, وقىتۋ ساپاسى, تسيفرلاندىرۋ دەڭگەيى, تۇلەكتەردىڭ سۇرانىسىنا يە بولۋى, حالىقارالىق تانۋ, ستۋدەنتتەر مەن وقىتۋشىلاردىڭ اكادەميالىق ۇتقىرلىعى. سونىمەن قاتار حالىقارالىق رەيتينگتەر مەن اكادەميالىق قوعامداستىقتاعى ۋنيۆەرسيتەتتىڭ ورنى ەسەپكە الىنادى.
ايتا كەتەر جايت, زەرتتەۋ ۋنيۆەرسيتەتىنە اينالۋعا باعىت العان قازۇۋ, جاھاندىق عىلىمي-ءبىلىم بەرۋ كەڭىستىگىندەگى ءوزىنىڭ باسەكەگە قابىلەتتىلىگىن ۇدەمەلى ارتتىرىپ, حالىقارالىق رەيتينگتەردە تابىستى العا ىلگەرىلەۋدە. جەتەكشى قازاقستاندىق جوعارى وقۋ ورنى الەمنىڭ ۇزدىك ۋنيۆەرسيتەتتەرىنىڭ قاتارىنا ەنۋدى كوزدەيدى.
