ايماقتار • 25 مامىر، 2020

قىزىلوردا: دەپارتامەنت باستىعى تۇرعىنداردى الاياقتاردان ساق بولۋعا شاقىردى

39 رەت كورسەتىلدى

قىزىلوردا وبلىسى پوليتسيا دەپارتامەنتى الاياقتار جاسايتىن قىلمىستاردى بولدىرماۋ، الدىن الۋ باعىتىندا جۇيەلى جۇمىس جاساپ كەلەدى.  سوعان قاراماستان وڭىردە  وزگەنىڭ مەنشىگىن الاياقتىق جولمەن يەلەنۋ ارقىلى ازاماتتاردىڭ قۇقىنا قول سۇعۋ دەرەكتەرى ءالى دە ورىن الۋدا.      

بۇعان بىردەن-ءبىر سەبەپ، تۇرعىنداردىڭ جەڭىل پايدانى كوزدەگەندەردىڭ «تومەن پايىزبەن ءىرى كولەمدە نەسيە، كەزەكتەن تىس ارزان باعامەن مەملەكەتتىك پاتەر، جەر الىپ بەرەمىن، تەندەردەن ۇتۋعا كومەكتەسەمىن، جالاقىسى جوعارى قىزمەتكە، جۇمىسقا تۇرعىزامىن»  دەگەن ءتۇرلى ۋادەسىنە الدانىپ قالۋى.

مىسالى، قىزىلوردا قالاسىنىڭ تۇرعىنى 44 جاستاعى ايەل جاڭادان سالىنىپ جاتقان كوپ قاباتتى ۇيلەردەن پاتەر الىپ بەرەمىن دەگەن ۋادەمەن وبلىس ورتالىعىنداعى ءبىراز تۇرعىننىڭ قاراجاتىن قالتاعا باسقان. جابىرلەنۋشىلەرگە كەلتىرىلگەن شىعىننىڭ كولەمى 2 230 000 تەڭگەگە جەتكەندىگى انىقتالدى. 

الاياق ايەل قازاقستان رەسپۋبليكاسى قىلمىستىق كودەكسىنىڭ 190-بابىنىڭ  3-بولىگىنىڭ 4-تارماعىمەن كىنالى دەپ تانىلىپ، وعان قالالىق سوت ۇكىمىمەن 3 جىلعا باس بوستاندىعىنان ايىرۋ جازاسى تاعايىندالدى. سونىمەن قاتار، سوت جابىرلەنۋشىگە كەلتىرىلگەن شىعىندى زاڭمەن بەلگىلەنگەن تارتىپپەن وتەۋدى مىندەتتەدى.

وسىعان بايلانىستى، وبلىستىق پوليتسيا دەپارتامەنتىنىڭ باستىعى. پوليتسيا پولكوۆنيگى بەكتورە سۇلتان وبلىس تۇرعىندارىنا الاياقتاردىڭ قۇربانىنا اينالماس ءۇشىن جالعان ۋادەگە سەنبەۋ جانە اقشا، باعالى زاتتار مەن م ۇلىكتى كۇماندى ادامدارعا نەمەسە كومپانيالارعا تاپسىرماۋ كەرەكتىگىن ەسكەرتەدى.  الاياقتىق فاكتىلەرى ورىن العان جاعدايدا تەز ارادا پوليتسياعا حابارلاعان ءجون.

سوڭعى جاڭالىقتار

ۇقساس جاڭالىقتار