قازاقستان • 25 مامىر، 2020

«ۇزدىك اۋىل اكىمى» رەسپۋبليكالىق بايقاۋى باستالدى

94 رەت كورسەتىلدى

مەملەكەت باسشىسى قاسىم-جومارت توقاەۆ ءوزىنىڭ قازاقستان حالقىنا جولداۋىندا «حالىق ۇنىنە قۇلاق اساتىن مەملەكەت» تۇجىرىمداماسى بارلىق ازاماتتاردىڭ وتىنىشتەرىنە جەدەل جانە ءتيىمدى ارەكەت ەتۋگە باعىتتالۋى ءتيىس ەكەنىن اتاپ ءوتتى. اۋىل اكىمى حالىقپەن تىكەلەي ءوزارا ءىس-قيمىلدا بولادى جانە بايلانىستى ورناتا الۋ قابىلەتى، تۇرعىنداردىڭ وزەكتى ماسەلەلەرى بويىنشا دەر كەزىندە شەشىم قابىلداي ءبىلۋى ونىڭ قىزمەتىنىڭ باستى باعىتى بولىپ تابىلادى. بۇل تۋرالى مەملەكەتتىك قىزمەت ىستەرى اگەنتتىگىنىڭ ءباسپاسوز قىزمەتى حابارلادى.

جەرگىلىكتى دەڭگەيدە اكىم مەملەكەتتىك ساياساتتى جۇرگىزۋشى جانە ونىڭ ءىس-ارەكەتى بويىنشا حالىق اراسىندا جالپى مەملەكەتتىك باسقارۋدىڭ تيىمدىلىگىنە قاتىستى كوزقاراسى قالىپتاستادى.

مەملەكەتتىك قىزمەت ىستەرى اگەنتتىگى «رۋحاني جاڭعىرۋ» باعدارلاماسى اياسىندا جەرگىلىكتى ءوزىن-ءوزى باسقارۋدى دامىتۋعا جانە جەرگىلىكتى ماڭىزى بار ماسەلەلەردى ءتيىمدى شەشۋگە ۇلەس قوسقان، جۇمىستا جوعارى پراكتيكالىق ناتيجەلەرگە جەتكەن ۇزدىك اۋىل اكىمدەردى انىقتاۋعا جانە كوتەرمەلەۋگە باعىتتالعان «ۇزدىك اۋىل اكىمى» رەسپۋبليكالىق كونكۋرسىن جاريالايدى.

بايقاۋ 25 مامىردا باستالىپ، ەكى نەگىزگى كەزەڭدە وتەدى:
I كەزەڭ-وڭىرلىك دەڭگەي (وبلىستىق دەڭگەي);
II كەزەڭ-رەسپۋبليكالىق دەڭگەي.

بايقاۋ ناتيجەلەرى 2020 جىلدىڭ قىركۇيەك ايىندا بەلگىلى بولادى.
​كونكۋرس وتكىزۋ بارىسىندا حالىقتىڭ پىكىرى ەسكەرىلەدى. اعىمداعى جىلدىڭ ماۋسىم ايىنان باستاپ وبلىس اكىمدىكتەرىنىڭ رەسمي سايتتارىندا جەرگىلىكتى اكىمنىڭ ءتيىمدى جۇمىس ىستەۋىنە حالىقتىڭ قاناعاتتانۋىن باعالاۋ ءۇشىن ساۋالناما ورنالاستىرىلاتىن بولادى. ساۋالناماعا ازاماتتاردىڭ قۇقىقتارى مەن زاڭدى مۇددەلەرىن قورعاۋ، مەملەكەتتىك قىزمەتتەر كورسەتۋ بويىنشا قابىلدانعان شارالاردىڭ تيىمدىلىگى، كوپ بالالى جانە از قامتاماسىز ەتىلگەن وتباسىلارعا، حالىقتىڭ الەۋمەتتىك وسال توپتارىنا كومەك جانە قولداۋ كورسەتۋ، حالىقتى جۇمىسپەن قامتۋ مەن جۇمىسقا ورنالاستىرۋعا جاردەمدەسۋ، جەرگىلىكتى الەۋمەتتىك ينفراقۇرىلىمدى دامىتۋ، جەرگىلىكتى قوعامداستىقپەن ءوزارا ءىس-قيمىل جانە ت. ب. سياقتى بىرقاتار باعالاۋ كريتەريى كىرەدى.

سونىمەن قاتار، ءاربىر ءوڭىردىڭ ادەپ جونىندەگى ۋاكىلدەرى ۇمىتكەرلەردىڭ مەملەكەتتىك قىزمەتشىلەردىڭ ادەپ نورمالارىن ساقتاۋى ماسەلەلەرى بويىنشا انونيمدىك ساۋالناما جۇرگىزەتىن بولادى.

ساۋالناما ناتيجەلەرى كونكۋرستىق كوميسسيانىڭ ءاربىر اۋىل اكىمىن وبەكتيۆتى باعالاۋعا مۇمكىندىك بەرەدى.

كونكۋرس وتكىزۋ ەرەجەسى تۋرالى تولىق اقپارات مەملەكەتتىك قىزمەت ىستەرى اگەنتتىگىنىڭ www.gov.kz سايتىندا جانە وبلىس اكىمدىكتەرىنىڭ رەسمي سايتىندا ورنالاستىرىلعان.

 
سوڭعى جاڭالىقتار

ۇقساس جاڭالىقتار