نۇر-سۇلتان بوتانيكالىق باعىندا 75 ءتۇپ قىلقان جاپىراقتى اعاش وتىرعىزىلدى. وسىلايشا, ەلوردا تۇرعىندارى «ساد پامياتي» حالىقارالىق اكتسياسىنا قوسىلدى. ونىڭ اياسىندا ۇوس جىلدارىندا قازا تاپقان 27 ملن ادامنىڭ ارقايسىسىن ەسكە الۋعا 27 ملن اعاش وتىرعىزۋ جوسپارلانعان.
«رۋحاني جاڭعىرۋ» جوبالىق كەڭسەسىنىڭ ۇسىنىسىن قۋانا قولدادىق. بۇگىن مۇندا اكىمدىك قىزمەتكەرلەرى, رەسەي فەدەراتسياسىنىڭ ەلشىلىگى, «اتامنىڭ اماناتى» قب, «رۋحاني جاڭعىرۋ» جوبالىق كەڭسەسى, سونداي-اق ەرىكتىلەر مەن بارلىق نيەت بىلدىرۋشىلەر قاتىستى. وتىرعىزىلعان اعاشتار ۇلى وتان سوعىسى كەزىندە قازا تاپقان باتىرلارعا ەستەلىك بولادى دەپ ويلايمىن», – دەدى ەسىل اۋدانى اكىمىنىڭ ورىنباسارى دارمەنيار قىدىربەك ۇلى.
