سونىمەن قاتار حالىقارالىق فەدەراتسيا «سپورت پاديشاسى» سانالاتىن سپورت ءتۇرىنىڭ ەڭ ماڭىزدى جارىسىنىڭ ءبىرى – «گاۋھار ليگاسىنىڭ» دا جاڭا كەستەسىن بارشاعا تانىستىردى. تۋرنير تامىزدا باستالىپ, قازان ايىندا مارەسىنە جەتەدى. جارىستىڭ شىمىلدىعى تامىزدىڭ 14-ىندە موناكودا تۇرىلسە, ماۋسىمنىڭ سوڭعى جارىسى قىتايدا وتەدى دەپ جوسپارلانعان. «گاۋھار ليگاسىنىڭ» بيىلعى كەزەڭدەرى مىنا قالالاردا ۇيىمداستىرىلادى. ولار: گەيتشيد (16 تامىز), ستوكگولم (23 تامىز), لوزاننا (2 قىركۇيەك), بريۋسسەل (4 قىركۇيەك), پاريج (6 قىركۇيەك), ريم/نەاپول (17 قىركۇيەك), شانحاي (19 قىركۇيەك), يۋدجين (4 قازان) جانە دوحا (9 قازان).
ايتا كەتەيىك, لوندون وليمپياداسىنىڭ چەمپيونى, قازاقستاندىق جەڭىلاتلەت ولگا رىپاكوۆا 2012 جانە 2017 جىلعى «گاۋھار ليگاسىندا» ءۇش قارعىپ سەكىرۋ بويىنشا ەكى مارتە جەڭىمپازى اتانعان.
