– ناۋقاستاردىڭ اراسىندا تەڭىز كەنىشىنىڭ 20 جۇمىسشىسى بار. سونداي-اق يساتاي اۋدانىنىڭ تۇرعىندارى –37 جاستاعى جىگىت پەن 12 جاسار جاسوسپىرىمنەن دە انىقتالدى. ەكەۋى دە بۇرىن اۋىرعان 62 جاستاعى ايەلمەن بايلانىستا بولعان, -دەپ حابارلادى وڭىرلىك جەدەل شتابتان.
ال, وبلىستىق تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتى باسشىسىنىڭ مىندەتىن اتقارۋشى امانتاي جۇماعاليەۆتىڭ ايتۋىنشا, اۋدانداردىڭ تۇرعىندارى دا جۇقتىردى.
– اتىراۋ وبلىسىندا 6 اۋداننىڭ تۇرعىندارىنان كوروناۆيرۋس ينفەكتسياسى انىقتالىپ وتىر. سونىڭ ىشىندە جىلىوي اۋدانىندا 16, قۇرمانعازىدا – 6, ماقاتتا – 6, يساتايدا – 4, ماحامبەتتە – 1, يندەر اۋدانىندا 1 دەرەك تىركەلدى. وسىعان بايلانىستى اۋداندىق باس سانيتارلىق دارىگەرلەردىڭ قاۋلىسىمەن ماقات اۋدانىنداعى ماقات كەنتى مەن جىلىوي اۋدانىندا ورنالاسقان مايكومگەن كەنتى كارانتينگە جابىلدى. كارانتين مەرزىمى 8 ماۋسىمعا دەيىن سوزىلادى,-دەدى امانتاي جۇماعاليەۆ.
بۇگىن اتىراۋدا قاۋىپتى ىندەتتى جۇقتىرعان ادامدار سانى 879-عا جەتتى. ساۋىعىپ شىققاندار – 224 ادام.
