تۇرعىندارعا ەرتىس وزەنىنە سۋعا شومىلۋعا ەرتە ەكەندىگى تۋرالى بىرنەشە رەت ەسكەرتىلگەن. سۋعا شومىلۋ ماۋسىمى اشىلعانعا دەيىن ەكى وقيعا ورىن العان.
-وبلىس ورتالىعىندا 17 مامىر كۇنى ساعات 10:55-تە ورتالىق جاعاجايدا سۋعا ءتۇسۋ كەزىندە 1964 ەر ادام سۋعا باتىپ كەتكەنى تۋرالى حابار كەلىپ ءتۇستى. وقيعا ورنىندا بولعان ادامدار سۋعا باتىپ كەتكەن ادامدى جاعاعا شىعارىپ, جەدەل جاردەم مەن پوليتسيا قىزمەتكەرلەرىن شاقىرعان.
سونىمەن قاتار 17 مامىر كۇنى ساعات 18.20-دا ەرتىس اۋدانى تۇرعىنىنان سۋعا باتقان ادامدى كورگەنى تۋرالى تەلەفون حابارلاماسى كەلىپ ءتۇستى. وقيعا ورنىنا جەتكەن قۇتقارۋشىلار ەر ادام ەرتىس وزەنىنىڭ سۋ باسقان القابىندا شومىلعاندىعىن انىقتاعان.
وقيعا ورنىنا ارنايى وبلىس ورتالىعىنان اتتاندىرىلعان سۇڭگۋىرلەر توبى ەر ادامنىڭ ءمايىتىن ەكىنشى كۇنى سۋدان الىپ شىقتى. سۋعا باتىپ كەتكەن ەر ادام 1975 جىلى تۋعان ەرتىس اۋىلىنىڭ تۇرعىنى بولىپ شىقتى.
سامات اسايىنوۆ وبلىس تۇرعىندارىنا تىيىم سالىنعان جەرلەردە جانە ماس كۇيىندە شومىلاتىن ادامدار دەنساۋلىقتارىنا زيان كەلتىرۋى مۇمكىن ەكەندىگىن ەسكەرتتى.
قازىر ءشۇلبى سۋ قويماسىنان تابيعاتتى قورعاۋ ماقساتىندا سۋ جىبەرۋ توقتاعانىمەن, ەرتىس وزەنى ءالى دە بولسا ارناسىنا تۇسكەن جوق.
سونىمەن قاتار, ارنايى شومىلۋ ماۋسىمى بارلىق كوممۋنالدىق جانە جەكە جاعاجايلار شومىلۋعا دايىن بولعاندا عانا باستالاتىنىن اتاپ ءوتتى.
