اۋقىمدى جوباعا رەسپۋبليكالىق بيۋدجەتتەن قوماقتى قارجى بولىنگەن جانە جەكەلەگەن كاسىپكەرلەر دە يگى ىسكە ءوز ۇلەستەرىن قوسۋعا نيەت بىلدىرگەن.
تاريحي-مادەني كەشەننىڭ قۇرامىنا جوشى حاننىڭ ۇرپاقتارىنا, ۇلىق ۇلىسقا, التىن ورداعا, قازاق حاندىعىنا ارنالعان ەكسپوزيتسيالىق زال, شاعىن اسحانا جانە قوناق ءۇي كىرەدى. بۇدان بولەك, الداعى ۋاقىتتا الاشا حان, جوشى حان مازارلارىنا رەستاۆراتسيا جۇمىستارىن جۇرگىزۋ قولعا الىنباقشى. ايگىلى كەسەنەلەرگە اپاراتىن ساپالى جول سالۋ دا جوسپاردا بار ەكەن.
التىن وردانىڭ 750 جىلدىق مەرەيتويىن كەڭ كولەمدە اتاپ ءوتۋ باعدارلاماسى اياسىندا ۇيىمداستىرىلماقشى ءىس-شارالاردىڭ قاتارىندا ۇلىق ۇلىستىڭ جادىگەرلەرىن قايتا جاڭعىرتۋ جانە ولاردى ناسيحاتتاۋ جوبالارى دا بار. تۋريستەرگە ارنالعان كەشەن قۇرىلىسى اياقتالعان سوڭ, كەسەنە ىرگەسىندەگى وردا بازار قالاشىعى زەرتتەلىپ, ءوڭىردىڭ ارحەولوگيالىق كارتاسى ازىرلەنبەكشى. بۇدان بولەك, ارحەولوگيالىق, ەتنوگرافيالىق جانە انتروپولوگيالىق عىلىمي-زەرتتەۋ جۇمىستارىن جۇرگىزۋ دە جوسپارلانعان.
ۇلىتاۋ اۋدانىنىڭ اكىمى بەرىك ابدىعالي ۇلى ءتول تاريحىمىز بەن تۇلعالارىمىزدى ۇلىقتاۋ ماقساتىنداعى تاريحي-مادەني كەشەن قۇرىلىسى جۇمىستارىنىڭ بيىل كۇزدە اياقتالاتىنىن ءوزىنىڭ فەيسبۋكتەگى پاراقشاسىندا مالىمدەدى.
قاراعاندى وبلىسى
