الەم • 20 مامىر، 2020

كوروناۆيرۋسقا قارسى قور جيناعان ۇلىبريتانيالىق مايدانگەر توم مۋر باتىر اتاندى (ۆيدەو)

87 رەت كورسەتىلدى

ۇلىبريتانيالىق مايدانگەر، ەكىنشى دۇنيەجۇزىلىك سوعىس ارداگەرى توم مۋر ەلدەگى كوروناۆيرۋسپەن كۇرەس قورىنا 32.8 ميلليون فۋنت ستەرلينگ قارجى جيناپ بەرىپ، ۇلكەن ۇلەس قوستى. قاريانىڭ وسى ءبىر جانكەشتى ەڭبەگى جوعارى باعالانىپ، وعان مەملەكەتتىك ەڭ جوعارعى دارەجە باتىر اتاعى بەرىلەتىن بولدى، دەپ حابارلادى لوندوندىق تاSS اقپارات كوزى.

«پولكوۆنيك توم مۋردىڭ باستاماسى بۇقارا حالىق تاراپىنان كەڭ قولداۋ تاپتى. سونداي-اق ىندەتكە قارسى كۇرەس جولىندا كىمدە-كىم ۇلەس قوسۋعا بولاتىنى جايلى ادامدارعا ونەگە بولدى. مايدانگەرگە بۇل ءىسى ءۇشىن شەكسىز العىس ايتامىز جانە تاريح الدىندا بورىشىنا ادال ناعىز ۇلتتىق قاھارمان دەپ باعالايمىز» دەپتى ۇلىبريتانيانىڭ پرەمەر ءمينيسترى بوريس جونسون مىرزا.

جاسى 100-گە كەلگەنىنە قاراماي وسىنداي يگى باستاماعا ۇيتقى بولعانى ءۇشىن ارداگەرگە «باتىر» اتاعىن بەرۋ تۋرالى باستامانى كوتەرگەن پرەمەر مينيستر بولسا، ونىڭ بۇل تىلەگىن ەل حانشايىمى ءىى ەليزاۆەتا بىردەن قۇپتاعان. مايدانگەرگە سىيلىق تاپسىرۋ ءراسىمى كوروناۆيرۋس سالدارىنان ازەرگە كەيىنگى قالدىرىلىپ وتىرعان كورىنەدى.

سوڭعى جاڭالىقتار

ۇقساس جاڭالىقتار