مونشا كەشەندەرىنەن تىس شاشتارازدار مەن سۇلۋلىق سالوندارى الدىن-الا جازىلۋ بويىنشا 10.00-دەن 18.00-گە دەيىن جۇمىس ىستەيدى. جازعى الاڭى بار, اشىق اسپان استىندا ورنالاسقان سىيىمدىلىعى 30 ادامنان اسپايتىن قوعامدىق تاماقتانۋ ورىندارى 10.00-دەن 20.00-گە دەيىن, ال قۇرىلىس ماتەريالدارى مەن تۇرمىستىق تاۋارلاردى ساتۋ بازارلارى 7.00-دەن 17.00-گە دەيىن جۇمىس ىستەيدى.
سونداي-اق 19 مامىردان باستاپ تۇلەكتەردى ۇلتتىق بىرىڭعاي تەستىلەۋگە دايىنداۋ بويىنشا تاراز قالاسى اۋماعىندا ورنالاسقان وقۋ ورتالىقتارىنىڭ قىزمەتىنە رۇقسات ەتىلەدى. جوعارىدا اتالعان كاسىپ تۇرلەرىنىڭ جۇمىسىن قالپىنا كەلتىرۋدىڭ مىندەتتى شارتى – سانيتارلىق-ەپيدەميولوگيالىق تالاپتاردى قاتاڭ ساقتاۋ بولىپ تابىلادى. مۇنى ارنايى ءموبيلدى توپتار قاداعالايتىن بولادى.
ال, وبلىس تۇرعىندارىنىڭ قاۋىپسىزدىگىن قامتاماسىز ەتۋ ماقساتىندا, سونداي-اق ينفەكتسيانىڭ تارالۋ قاۋپىنىڭ جوعارى بولۋىنا بايلانىستى قوعامدىق كولىكتەر توقتاتىلعان بولاتىن. بۇگىنگى تاڭدا قالىپتاسىپ وتىرعان ەپيدەميالىق جاعداي قوعامدىق كولىكتەردىڭ جۇمىسىن قايتا جانداندىرۋعا مۇمكىندىك بەرمەي وتىر.
اتالعان جەڭىلدىكتەر كوروناۆيرۋستىڭ تارالۋ وشاقتارى بار قورداي, بايزاق جانە جامبىل اۋداندارىنان باسقا بارلىق اۋداندا قولدانىلادى. وبلىستىڭ اۋداندارى مەن تاراز قالاسىنىڭ پەريمەترى بويىنشا اۆتوجولداردا, كوروناۆيرۋس اۋرۋى انىقتالعان ەلدىمەكەندەردە كارانتيندىك شارالار الىنىپ تاستالعانشا بلوك-بەكەتتەر ءوز جۇمىسىن جالعاستىراتىن بولادى. تۇرعىنداردىڭ قوزعالىسى دا شەكتەۋلى كۇيىندە قالا بەرەدى.
جامبىل وبلىسى
