قوعام • 18 مامىر، 2020

بيىل كيىك سانى 334 مىڭنان اسۋى مۇمكىن - ساكەن دىلداحمەت

24 رەت كورسەتىلدى

مامىردىڭ باسىندا باستالعان كيىكتەردىڭ تولدەۋى اياقتالدى. بۇل تۋرالى ورمان شارۋاشىلىعى جانە جانۋارلار الەمى كوميتەتىنىڭ ءباسپاسوز حاتشىسى ساكەن دىلداحمەت Facebook پاراقشاسىندا جازدى.

سۋرەتتەردە ىرعىز دالاسىندا دۇنيەگە كەلگەن قۇرالايلار

- مامىردىڭ باسىندا باستالعان كيىكتەردىڭ تولدەۋى كۇنى كەشە اياقتالدى. بيىلعى كوكتەم جايما-شۋاق بولىپ، اقبوكەندەردىڭ ەش ۋايىمسىز تولدەۋىنە ىڭعايلى بولدى. بەتپاقدالا، ورال جانە ءۇستىرت پوپۋلياتسيالارىندا تولدەۋ ءارتۇرلى ۋاقىتتا باستالسا دا، بىردەي كەزەڭدە اياقتالدى. جەز كيىكتىڭ قورعانى بولعان ينسپەكتورلار ءار وبلىستا ساقتىق جۇمىستارىن ءجىتى جۇرگىزدى. دالا كەزگەن «وحوتزووپروم» جانە وبلىستىق اۋماقتىق ورمان شارۋاشىلىعى جانە جانۋارلار دۇنيەسى ينسپەكتسيالاردىڭ ينسپەكتورلارى كۇندىز-ءتۇنى تىنىم تاپپاي ەڭبەك ەتتى، - دەپ جازدى ساكەن دىلداحمەت.

ونىڭ ايتۋىنشا، تابيعات ساقشىلارى جاس قۇرالايلاردىڭ ءوسىپ-ونۋىنەن باستاپ، ولاردىڭ ۇرپاق جالعاستىرۋىنا، ءارى بولاشاقتىڭ اماناتىن جەتكىزۋ ءۇشىن جىل ون ەكى اي قىزمەت اتقارادى. 

- جازدى وتكىزىپ، ميزامعا شىققاندا بيىلعى ساناقتى وتكىزەمىز. اماندىق بولسا، بىلتىرعى 334 مىڭ مەجەدەن اسۋىمىز قاجەت، - دەلىنگەن جازبادا.

9

9

9

سوڭعى جاڭالىقتار

اراق اۋرۋدان ايىقتىرمايدى

كوروناۆيرۋس • كەشە

ۇقساس جاڭالىقتار