كولىكتىك باقىلاۋ قىزمەتكەرلەرى كۇندەلىكتى رەيد جۇرگىزەدى جانە جۇرگىزۋشىلەر مەن جولاۋشىلاردىڭ سانيتارلىق نورمالاردى ساقتاۋىن تەكسەرەدى. ەستەرىڭىزگە سالا كەتەيىك, بۇرىن №1 اۆتوبۋس پاركى جۇرگىزۋشىدەن كوروناۆيرۋس تابىلعانىنا بايلانىستى كارانتينگە جابىلدى. Covid-19 تارالۋ قاۋپى ءالى ساقتالادى.
قوعامدىق كولىك جۇمىسىن 12 مامىردان باستاپ جانداندىردى. اۆتوبۋستار ساعات 06:00-دەن 22:00-گە دەيىن جۇرەدى. جەلىدە بارلىق قالالىق باعىتتار بار. جولاۋشىلار اعىنى كارانتينگە دەيىن 750 مىڭنان استام ادامدى قۇرادى. قازىر جولاۋشىلار اعىنى وسى كورسەتكىشتىڭ 30-35%-ىن قۇرايدى.
قالا ماڭىنداعى باعىتتار ەكىنشى كەزەڭدە ىسكە قوسىلادى. بۇل تۋرالى قوسىمشا حابارلانادى. بارلىق اۆتوبۋستار بۇرىنعىشا دەزينفەكتسيادان وتەدى. اۆتوبۋس جۇرگىزۋشىلەرى بارلىق قاۋىپسىزدىك شارالارىن ساقتايدى: ماسكالار, قولعاپتار كيەدى جانە انتيسەپتيك پايدالانادى.
جول اقىسىن قولما-قول اقشاسىز تولەۋ قاجەت. ول ءۇشىن كولىك كارتاسى جانە بالامالى تاسىلدەر قولدانىلادى. بۇل SMS, QR-كود جانە ءموبيلدى قوسىمشالار ارقىلى تولەۋ. قولما-قول اقشاسىز تولەۋ ۇلەسى كارانتين ەنگىزىلگەنگە دەيىن 98%-دى قۇرادى. كارانتين كەزىندە ساتىپ الىنعان ايلىق جول ءجۇرۋ اقىسى اۆتوماتتى تۇردە پايدالانۋشىلاردىڭ كولىك كارتالارىنا كوشىرىلگەن. ايلىق جول ءجۇرۋ 2020 جىلعى 12 مامىردان 11 ماۋسىمعا دەيىن جارامدى. ەلوردادا 28 ناۋرىزدان باستاپ 18 جاسقا دەيىنگى بالالار كولىك كارتاسى بولعان جاعدايدا قوعامدىق كولىكتە تەگىن جۇرە الادى.
