«بۇگىن ءبىز سەس ورگاندارىمەن بىرگە كارانتيندى جەڭىلدەتۋ اياسىندا ورتالىق بازار جۇمىسىن قالپىنا كەلتىرۋ دايىندىعىن تەكسەردىك. دايىندىق جوعارى. نەگىزىندە بارلىق بازارلار انتيسەپتيك, ماسكالارمەن قامتىلىپ, لوگيستيكا ۇيىمداستىرىلعان. بازار باسشىلىعىمەن سانيتارلىق نورمالاردىڭ ساقتالۋىنا باقىلاۋ جۇرۋدە. باقىلاۋ ءارى قاراي جالعاسادى», – دەدى نۇر-سۇلتان قالالىق ينۆەستيتسيا جانە كاسىپكەرلىكتى دامىتۋ باسقارماسىنىڭ باسشىسى ەرلان بەكمۋرزاەۆ.
ورتالىق بازاردىڭ باسقارۋشى كومپانياسىنىڭ ديرەكتورى اتاحان ابديجاليلوۆتىڭ ايتۋىنشا, ساۋداگەرلەر مەن بازار قىزمەتكەرلەرى انتيسەپتيك, قولعاپ, سانيتايزەرلەرمەن تولىق قامتىلعان.
