قوعام • 18 مامىر، 2020

ەلوردادا سانيتارلىق-ەپيدەميولوگيالىق نورمالار ساقتالمايىنشا نىساندار قايتا اشىلمايدى

86 رەت كورسەتىلدى

نۇر-سۇلتاندا سانيتارلىق نورمالاردى بۇزعان قۇرىلىس كومپانيالارى، ازىق-ت ۇلىكتىك ەمەس دۇكەندەر، وزىمەن بىرگە الىپ كەتۋ قىزمەتى جۇمىس ىستەگەن مەيرامحانالار مەن ءدامحانالار جابىلدى. بۇل تۋرالى ەلوردا اكىمدىگىنىڭ ءباسپاسوز قىزمەتى حابارلادى.

اكىمدىكتىڭ ءموبيلدى توبى پوليتسەيلەرمەن جانە ەپيدەميولوگتارمەن بىرلەسىپ، كۇندەلىكتى سانيتارلىق نورمالار مەن ەرەجەلەردىڭ ساقتالۋىن باقىلاۋ بويىنشا رەيد جۇرگىزەدى. قاتاڭ سانيتارلىق-ەپيدەميولوگيالىق نورمالاردىڭ ساقتالۋىن قامتاماسىز ەتپەيىنشە نىساندار قايتا اشىلمايدى.

ەستەرىڭىزگە سالا كەتەيىك، بۇعان دەيىن سانيتارلىق نورمالاردى ساقتاماعان 15 نىسان جابىلدى. قاتاڭ ەرەجەلەر كوروناۆيرۋستىڭ تارالۋىنا جول بەرمەۋ ماقساتىندا قابىلداندى. كوروناۆيرۋستان جازىلعاندار ءۇشىن ىندەت مۇلدە قاۋىپسىز دەۋگە بولمايدى. ينفەكتسيا وكپەنى عانا ەمەس، بۇيرەك، باۋىر، جۇرەك، ميدى زاقىمداۋى مۇمكىن.

سونىمەن قاتار وكپەدە ۇلپانىڭ فيبروزى تۇرىندە وشاقتار پايدا بولادى – تىنىس الۋ جۇيەسى اۋىر جۇكتەمەلەرگە توتەپ بەرە المايدى. وكپە قىزمەتى السىرەيدى. اۋىرعانداردا بىرەر جىلدان كەيىن قانداي اسقىنۋلار تۋىنداۋى مۇمكىن ەكەنى ءالى بەلگىسىز. ەلوردانىڭ دەنساۋلىق ساقتاۋ باسقارماسىنىڭ باسشىسى ساۋلە قيسىقوۆانىڭ ايتۋىنشا، قاۋىپتى ينفەكتسياعا نەمقۇرايلى قاراۋعا بولمايدى.

«ادامدار بوساڭسىماۋى، ماسكا تاعۋ رەجيمىن قاتاڭ ساقتاۋى كەرەك. ەگەر سانيتارلىق نورما ساقتالماسا، قالا تاعى دا قاتاڭ كارانتين ەرەجەلەرىنە قايتا ورالادى. قالىپتى ومىرگە تەزىرەك ورالۋ وزىمىزگە بايلانىستى»،- دەلىنگەن حابارلامادا.


سوڭعى جاڭالىقتار

اراق اۋرۋدان ايىقتىرمايدى

كوروناۆيرۋس • 10 شىلدە، 2020

پنەۆمونياعا باسقا اتاۋ بەرىلۋى مۇمكىن

كوروناۆيرۋس • 10 شىلدە، 2020

كوروناۆيرۋس ىندەتى 3 كەزەڭنەن تۇرادى

كوروناۆيرۋس • 10 شىلدە، 2020

ۇقساس جاڭالىقتار