اۋماقتا ۋاقىتتى بەلسەندى وتكىزۋگە ارنالعان سكەيتبوردينگ, روليكتەرمەن (قىستا كونكيمەن) سىرعاناۋ, تەننيس, فۋتبول الاڭدارى, بالالاردىڭ ويىن ايماعى بولادى. سونداي-اق جاياۋ سەرۋەنگە,كروسس-كانتري ساباقتارىنا ارنالعان جول تارتىلادى. جاسىل بەلدەۋدىڭ وڭتۇستىك-باتىس بولىگىندە ۇزىندىعى 23 كم-دەن استام ۆەلوسيپەد جولى سالىندى. قۇس سانىن ارتتىرۋ ءۇشىن ءفازاناريدى كەڭەيتۋ مەن قايتا قۇرۋ جۇمىستارى جۇرگىزىلەدى.
ەلوردانىڭ جاسىل بەلدەۋى 1997 جىلى تۇڭعىش پرەزيدەنت نۇرسۇلتان نازارباەۆتىڭ شەشىمىنە سايكەس قالانى جەلدەن قورعاپ, حالىقتىڭ ءومىر ءسۇرۋى ءۇشىن قولايلى كليماتتى قالىپتاستىرۋ ماقساتىندا قۇرىلدى. «جاسىل بەلدەۋگە» جاقىن ورنالاسقان يپپودروم بازاسىندا ەرەكشە قاجەتتىلىگى بار بالالاردى وڭالتۋعا ارنالعان ات-سپورتى كەشەنىنىڭ قۇرىلىسى جۇرگىزىلىپ جاتىر. كەشەن جابىق مانەجدەن, مىنبەدەن جانە جاتتىعۋ الاڭدارىنان تۇرادى. جابىق مانەج بيىل اشىلادى.
«مەملەكەت باسشىسى ەرەكشە قاجەتتىلىگى بار ادامداردى وڭالتۋ ءۇشىن جاعداي جاساۋدى تاپسىردى. ءبىز مۇمكىندىگى شەكتەۋلى بالالاردىڭ كۇتىمىمەن اينالىپ وتىرعان انالارمەن بىرنەشە رەت كەزدەسىپ, ولاردىڭ ۇسىنىستارىن تىڭدادىق. انالار يپپوتەراپيا ماسەلەنىن كوتەردى. بيىل يپپوتەراپياعا ارنالعان جابىق يپپودروم اشامىز. بالالارمەن ارنايى وقىتىلعان نۇسقاۋشىلار شۇعىلدانادى. ساباق ءۇشىن جۋاس جىلقىلار عانا ىرىكتەلەدى», - دەدى ەلوردا اكىمى التاي كولگىنوۆ.
سونىمەن بىرگە ەلوردادا مۇمكىندىگى شەكتەۋلى ادامداردى وڭالتۋ ءۇشىن 2 وڭالتۋ ورتالىعى سالىنادى. جاڭا تۇرعىن ءۇي كەشەندەرىنىڭ ءبىرىنشى قاباتتارىندا بالالارعا ارنالعان شاعىن ورتالىقتار, وڭالتۋ ورتالىقتارى, ەمحانالار مەن ت. ب. الەۋمەتتىك نىساندار اشىلادى. يپپودروم بازاسى ءۇش باعىت بويىنشا دامىتىلادى. ولار: يپپوتەراپيا, ۇلتتىق جانە كلاسسيكالىق سپورت تۇرلەرىن وتكىزۋ جانە ولارعا دايىنداۋ, سونداي-اق, تۋريستىك باعىت تا بار.
