«بۇعان دەيىن دوكتورانت قورعاۋ كەزەڭىنە دەيىن جەتۋ ءۇشىن 7 ماقالا جاريالاۋعا ءتيىستى بولاتىن. بۇل كورسەتكىشكە قول جەتكىزۋ ءۇشىن دوكتورانتتار ساپاسى كۇمان تۋدىراتىن جۋرنالداردا جاريالانىمدار جاساۋعا ءماجبۇر بولدى. ءبىزدىڭ عالىمداردىڭ ماقالالارى حالىقارالىق بازالاردان الىنىپ تاستالعان, تۇككە تۇرمايتىن جۋرنالداردا جاريالانعان كەزدەر دە بولاتىن.
وسىعان بايلانىستى ءبىز بۇل تاجىريبەنى وزگەرتۋ بويىنشا شەشىم قابىلدادىق.
ەندىگى كەزەكتە قاراپايىم ەرەجە جۇمىس ىستەيتىن بولادى.
ساپاسى تومەن جۋرنالداردا 7 ماقالا جاريالاعاننىڭ ورنىنا, جوعارى كۆارتيلگە كىرەتىن باسىلىمداردا ماقالالار جاريالانسا جەتكىلىكتى.
ءبىرىنشى كۆارتيل قۇرامىنا كىرەتىن جۋرنالداردا ءبىر عىلىمي ماقالا شىققان بولسا, وزگە جاريالانىمدار تالاپ ەتىلمەيدى.
بۇل شارا ساپاسىز جاريالانىمداردىڭ سانىن ازايتىپ, جۇكتەمەنى جەڭىلدەتەدى جانە عالىمداردى دايەكسوزدەرى تارالۋ بويىنشا جوعارى دەڭگەيدەگى وريگينالدى عىلىمي ماقالالار جازۋعا ىنتالاندىرادى» دەلىنگەن حابارلامادا.
