وبلىستىق پوليتسيا دەپارتامەنتى ءباسپاسوز قىزمەتىنىڭ حابارلاۋىنشا, 14 مامىرعا قاراعان ءتۇنى ساعات 00:30 شاماسىندا «Mercedes Benz» كولىگىنىڭ جۇرگىزۋشىسى ارنايى دىبىس سيگنالىن بەرۋگە ارنالعان قۇرىلعىنى قوسىپ جۇرگەن ەكەن. ونى اتىراۋ قالالىق پوليتسيا باسقارماسىنىڭ «باتىس-31» پاترۋلدىك قۇرامى ازاتتىق داڭعىلىنىڭ بويىندا توقتاتتى.
–تەكسەرۋ بارىسىندا كولىك جۇرگىزۋشىسىنىڭ 1999 جىلى تۋعان ازامات ەكەنى انىقتالدى. وعان كولىگىنە ارنايى قۇرىلعىنى پايدالعانى ءۇشىن قر اكىمشىلىك قۇقىقبۇزۋشىلىق تۋرالى كودەكستىڭ 603-بابى, 2-بولىگىمەن حاتتاما تولتىرىلدى. دىبىس بەرۋگە ارنالعان قۇرىلعى تاركىلەندى, -دەپ حابارلادى دەپارتامەنتتىڭ ءباسپاسوز قىزمەتى.
«Mercedes Benz» كولىگى ايىپپۇل تۇراعىنا قويىلعان.
