قوعام • 17 مامىر، 2020

اتىراۋ: جەمقورلىق تۋرالى حابارلاعاندار سىياقى الدى

196 رەت كورسەتىلدى

سىبايلاس جەمقورلىق قوعامنىڭ جەگى قۇرتىنا اينالدى. ونى قالاي انىقتاۋعا، اشۋعا، ءبىر سوزبەن ايتقاندا، توقتاتۋعا بولادى؟

وسىعان وراي سىبايلاس جەمقورلىققا قارسى ءىس-قيمىل اگەنتتىگى سىبايلاس جەمقورلىق قىلمىس تۋرالى اقپارات بەرگەنى، نەمەسە وزگە تۇردە كورسەتىلگەن جاردەم ءۇشىن قارجىلىق ىنتالاندىرۋ مولشەرىن ۇلعايتىپ وتىر. ماسەلەن،  اگەنتتىكتىڭ اتىراۋ وبلىسى بويىنشا دەپارتامەنتى ءباسپاسوز قىزمەتىنىڭ مالىمەتىنشە، بيىلعى ءبىرىنشى توقساندا جەرگىلىكتى 5 ازاماتقا  700 مىڭ تەڭگەدەن استام قارجىلاي سىياقى بەرىلىپتى.  

سونداي-اق قۇقىق قورعاۋ ورگانىنىڭ 1 قىزمەتكەرىنە سىبايلاس جەمقورلىق قىلمىسىن اشۋعا كومەكتەسكەنى ءۇشىن العىس جاريالاندى.  

–بۇل شارا سىبايلاس جەمقورلىققا قارسى كۇرەستە حالىقتىڭ ازاماتتىق ۇستانىمىن جانداندىرۋعا باعىتتالىپ وتىر، دەپ حابارلادى دەپارتامەنتتىڭ ءباسپاسوز قىزمەتى.

سوڭعى جاڭالىقتار

ۇقساس جاڭالىقتار