زاۋىت ونىمدەرى مۇناي-گاز ونەركاسىبى, ماگيسترالدىق مۇناي جانە گاز قۇبىر جەلىسى كاسىپورىندارى, ايداۋ ستانسالارىنىڭ تەحنولوگيالىق كەستەلەرى مەن رەزەرۆۋارلىق پاركتەر, ەنەرگەتيكالىق كەشەندەر, سۋمەن قامتاماسىز ەتۋ سياقتى كاسىپورىنداردا قولدانىلادى.
كاسىپورىن سىنامالى ىسىرما, شيبەر ىسىرماسى, شارلى كراندار, كەرى قاقپاقشالار, ديسكتى ىسىرمالار, ىسىرما تىرەۋىشتەرىنىڭ جابدىقتارى, فونتاندىق, ايداعىش, قارناقسورعىش ارماتۋرالار وندىرەدى. جوبالىق قۋاتى جىلىنا 10 مىڭ دانانى قۇرايدى. شىعارىلاتىن ءونىم ساپاسى ست-KZ تاۋار سەرتيفيكاتىمەن راستالعان. قازاقستاندىق مازمۇن ۇلەسى - 85%.
ونەركاسىپتە زاماناۋي ماتەريالدار مەن تەحنولوگيالار قولدانىلادى. زاۋىت وزىق جابدىقتارمەن قامتاماسىز ەتىلگەن. كاسىپورىندا ساپانى باقىلاۋ قىزمەتى ءجۇمىس ىستەيدى. سونىڭ ارقاسىندا شىعارىلاتىن ءونىمنىڭ بارلىعىنا 20 ايعا كەپىلدىك بەرىلەدى. ءونىم ساپاسىن باقىلاۋ جۇيەسى تۇسەتىن ماتەريالداردى جانە جاساقتاۋ بۇيىمدارىن كىرەر كەزدە مىندەتتى تۇردە باقىلاۋدى قاراستىرادى. ساپا قىزمەتى ماتەريالدار مەن پىسىرىلگەن قوسىلىستى باقىلاۋدىڭ قيراتۋشى جانە قيراتپايتىن ادىستەرىن قولدانادى. شىعارىلاتىن مەتالقۇرامالارىنىڭ پىسىرىلگەن قوسىلىستارىن باقىلاۋ كەزىندە ۋلترادىبىستىق, كاپپيليارلىق جانە ماگنيتتى ۇنتاقتى دەفەكتوسكوپيا قولدانىلادى. پىسىرىلگەن قوسىلىستاردى باقىلاۋ ونىمگە تەحنيكالىق شارتتارمەن انىقتالعان كولەمدە ىسكە اسىرىلادى.
بۇگىنگى تاڭدا «وسكەمەن ونەركاسىپتىك ارماتۋرا زاۋىتى» اق - سەرپىندى دامىپ كەلە جاتقان كاسىپورىنداردىڭ ءبىرى. ماقساتى - قازاقستان نارىعىنا باعدارلانعان قۇبىر جەلىسى ارماتۋرالارى مەن ساعا جابدىقتارى يمپورتىن الماستىرۋ جانە ونى ساپالى ونىممەن قامتاماسىز ەتۋ.
«وسكەمەن ونەركاسىپتىك ارماتۋرا زاۋىتى» اق كۇن وتكەن سايىن وتاندىق ماشينا جاساۋ نارىعىندا جاڭا بەلەستەردى باعىندىرۋدا.
