بۇل اكتسيا جىل سايىن ءداستۇرلى تۇردە قازاقستان حالقىنىڭ بىرلىگى كۇنىنە ۇيىمداستىرىلىپ كەلدى. بيىل كوروناۆيرۋس ينفەكتسياسىنىڭ پاندەمياسىنا وراي قازاقستاندا جاريالانعان توتەنشە جاعداي رەجيمىنە بايلانىستى مەجەلەنگەن ۋاقىتتا وتپەي قالدى.
نۇر-سۇلتان قالالىق ءماسليحاتىنىڭ دەپۋتاتى ميراس شەكەنوۆ – بۇگىن كونفەسسياارالىق كەلىسىم اللەياسىندا اعاش وتىرعىزعانداردىڭ ءبىرى. «تج رەجيمى الىندى, ەلوردانىڭ ساياباقتارى اشىلدى. ەكى اپتاعا كەشىكسە دە, اكتسيا ءوتتى. قازاقستانداعى بارلىق كونفەسسيالاردىڭ جەتەكشىلەرى اعاش وتىرعىزدى. مۇنداي اكتسيالار قازاقستاننىڭ حالقى بىرگە ەكەنىن كورسەتەدى. ەڭ باستىسى – وسى!», - دەدى م.شەكەنوۆ.
ەلوردانىڭ باس يمامى ەربولات ءجۇسىپوۆ اكتسيانىڭ ماڭىزدىلىعىن ايتا وتىرىپ, مۇحاممەد پايعامباردىڭ (س.ع.س) ءحاديسىن ەسكە الدى. «ول «كىمدە-كىمنىڭ قولىندا ءبىر شىبىعى بولسا, قيامەت باستالدى دەسە دە دەرەۋ شىبىعىن ەكسىن» دەگەن. ءحاديستىڭ ماعىناسى ءار مۇسىلمان ءوز ەلىنىڭ دامۋى مەن كوركەيۋىنە ۇلەس قوسۋى ءتيىس دەگەندى بىلدىرەدى. قازاقستاندا ورتاق ماقسات – ءبىزدىڭ ورتاق ءۇيىمىزدى دامىتۋعا مۇددەلى ءتۇرلى كونفەسسيالاردىڭ وكىلدەرى ءومىر سۇرەدى», دەدى نۇر-سۇلتاننىڭ باس يمامى. ءوز كەزەگىندە نۇر-سۇلتان قالاسىنىڭ استانالىق حريستيان ءىنجىل شىركەۋىنىڭ پاستورى الەكساندر كليۋشەۆ اعاش وتىرعىزۋ اكتسياسى قازاقستانداعى كونفەسسياارالىق كەلىسىمنىڭ كورىنىسى ەكەنىن ايتتى.
«ەندى ءبىز كوشەتتەردى كۇتىپ, باپتايمىز. ءارى بۇل وسى اعاشتى وتىرعىزعان جانداردىڭ جۇرگەنىنە جىلۋلىق سىيلايتىن بولادى, ءتىپتى اعاشتى كىم وتىرعىزعانىن بىلمەيتىن ادامدار ءۇشىن دە», - دەدى ول.
اكتسيانى نۇر-سۇلتان قالاسنىڭ ءدىن ىستەرى باسقارماسى ۇيىمداستىردى. ونىڭ ماقساتى – قوعامداقتىستىقتىڭ نازارىن قالانىڭ تازالىعىن ساقتاۋعا, ەكولوگيالىق مادەنيەتتى قالىپتاستىرۋ جانە ۇلتارالىق تاتۋلىققا اۋدارۋ.
