ەلدەگى مەديتسينا قىزمەتكەرلەرى كوروناۆيرۋستىق ينفەكتسيامەن كۇرەسۋدى جالعاستىرۋدا. دارىگەرلەردىڭ ۇيلەسىمدى جۇمىسىنىڭ ارقاسىندا قازاقستان توتەنشە جاعدايدان شىقتى.
⠀
بۇگىن اكىمدىكتە كوروناۆيرۋسپەن اۋىراتىن ناۋقاستاردى انىقتاۋعا جانە ەمدەۋگە بەلسەندى قاتىسقان قالانىڭ مەديتسينا قىزمەتكەرلەرىن ماراپاتتاۋ ءراسىمى ءوتتى. قازاقستان رەسپۋبليكاسى دەنساۋلىق ساقتاۋ ءمينيسترىنىڭ بۇيرىعىمەن دارىگەرلەر توسبەلگىلەرمەن, ديپلومدارمەن جانە العىس حاتتارمەن ماراپاتتالدى.
⠀
كوروناۆيرۋسپەن العاشقىلاردىڭ ءبىرى بولىپ كۇرەسكە شىققان يادرولىق مەديتسينا جانە ونكولوگيا ورتالىعىنىڭ انەستەزيولوگ-رەانيماتولوگ دارىگەرى دۋلات قاراباەۆ بولدى. وعان قاراعايلى جاڭا ىقشام اۋدانىندا پاتەردىڭ كىلتى سالتاناتتى تۇردە تابىستالدى.
⠀
پاندەميا جاعدايىندا بەلسەندى جۇمىس ىستەگەندەرى ءۇشىن سەمەيگە جۇمىس ساپارىمەن كەلگەن دەنساۋلىق ساقتاۋ ءمينيسترى ەلجان ءبىرتانوۆ مەديتسينا قىزمەتكەرلەرىنە العىس ايتتى.
⠀
«سىزدەرگە جۇمىسىڭىز ءۇشىن راحمەت ايتقىم كەلەدى. ءبىزدىڭ ەلىمىزدىڭ بولاشاعى ءسىزدىڭ قولدارىڭىزدا. ەلدە وسىنداي كۇتپەگەن جاعداي بولدى, بىراق وعان قاراماستان, دارىگەرلەر جۇمىسقا بارىپ, پاتسيەنتتەرمەن كەزدەسىپ, ولارعا مەديتسينالىق كومەك كورسەتتى. پاندەميا كەزىندە ءبىز دەنساۋلىق ساقتاۋ جۇيەسىندەگى كەمشىلىكتەرىمىزدى كوردىك جانە قازىر دەنساۋلىق ساقتاۋ جۇيەسىن نىعايتۋ باعىتىندا جۇمىس ىستەۋدەمىز. مەديتسينا قىزمەتكەرلەرىنىڭ الەۋمەتتىك مارتەبەسى ماسەلەلەرى تۇبەگەيلى قايتا قارالاتىن بولادى. دارىگەرلەرگە قاجەتتى قولداۋ كورسەتىلەدى» دەدى ەلجان ءبىرتانوۆ.
⠀
دەنساۋلىق ساقتاۋ ءمينيسترى سونداي-اق, بۇگىنگى تاڭدا ءبىزدىڭ ايماقتا اۋرۋعا شالدىعۋ كورسەتكىشى ەڭ تومەن بولىپ سانالاتىنىڭ ايتتى.
⠀
«بۇگىنگى تاڭدا وبلىسىمىزدا ەڭ تومەن اۋرۋ كورسەتكىشى. سونىمەن قاتار, وڭىرىمىزدە COVID-19 ىندەتىن جۇقتىرعاندار سانى دا از. ءبىز ينفەكتسيامەن كۇرەسۋدى ۇيرەندىك دەپ ويلايمىز, ول ەندى ءبىز ءۇشىن بۇرىنعىداي قاۋىپتى ەمەس. سوندىقتان ءبىز بۇدان ءارى دە وسى باعىتتا جۇمىس جاسايمىز دەپ ويلايمىن» دەپ تۇيىندەدى ەلجان ءبىرتانوۆ.
